Video
Read full review
2014-02-02
146 views
平時唔多飲酒既我, 竟然為左一支酒寫食評同人分享, 哈哈 皆因呢支酒真係太好味, 簡直可以用一試難忙黎形容, 好特別清新既味道!話說上星期去個Friend屋企House warming, 食完飯主人家喺雪櫃拎左呢支酒出嚟, 睇佢個樽我心諗... 紅酒點解要雪涷呢? 當佢斟落杯, 嘩! 好靚0既粉紅色, 仲有小小汽泡, 淨係賣相都一流! 我哋女士見到一定心動!飲落口, 好香甜, 好濃郁0既黑加淪子, 草莓味, 有微微既汽泡雪凍飲, 一D都唔覺得溜, 立刻愛上呀 最正既係佢酒精只係4.5%, 同啤酒差唔多, 唔駛就住就住, 飲多小小咁唔怕醉啦 嗰晚之後一直都掛住呢個味道, 之後我搵左幾間酒窖都搵唔到相類似既甜ROSE 唯有問問主人家啦, 原來呢個意大利牌子Torrevilla係獨家代理, 所以只有專門店先有賣, 地址喺中環, 咁啱我中環返工 超方便!上星期五Lunch Hour就走左上去睇睇, 地方非常光猛舒服, 唔似一般酒窖咁黑嘛嘛, 成間舖都白雪雪, 乾淨簡潔, 感覺良好, 除左酒, 仲有其他貨賣, 例如Coldcut, Parma ham, 果Jam, 香料, Olive o
話說上星期去個Friend屋企House warming, 食完飯主人家喺雪櫃拎左呢支酒出嚟, 睇佢個樽我心諗... 紅酒點解要雪涷呢?
當佢斟落杯, 嘩! 好靚0既粉紅色, 仲有小小汽泡, 淨係賣相都一流! 我哋女士見到一定心動!
飲落口, 好香甜, 好濃郁0既黑加淪子, 草莓味, 有微微既汽泡雪凍飲, 一D都唔覺得溜, 立刻愛上呀 最正既係佢酒精只係4.5%, 同啤酒差唔多, 唔駛就住就住, 飲多小小咁唔怕醉啦 嗰晚之後一直都掛住呢個味道, 之後我搵左幾間酒窖都搵唔到相類似既甜ROSE
唯有問問主人家啦, 原來呢個意大利牌子Torrevilla係獨家代理, 所以只有專門店先有賣, 地址喺中環, 咁啱我中環返工 超方便!
上星期五Lunch Hour就走左上去睇睇, 地方非常光猛舒服, 唔似一般酒窖咁黑嘛嘛, 成間舖都白雪雪, 乾淨簡潔, 感覺良好, 除左酒, 仲有其他貨賣, 例如Coldcut, Parma ham, 果Jam, 香料, Olive oil, 松露醬等等, 主打意大利野.
店員有善又唔會太Hardsell, 原來逄星期五佢地有免費試飲 , 即場試咗佢隻Moscato都好正, 好香, 有蜜糖味, 酒精低, 特價百零蚊好抵飲!
最後入左6支, 今年新年就搞搞新意思, 唔買朱古力, 曲奇餅, 改為送酒, 無咁行嘛, 有好野梗係帶俾親友分享啦! 店員見我對甜0既葡萄酒特別有興趣, 就好有耐性講解甜葡萄酒同紅白酒釀造0既分別, 唔講都唔知, 原來甜味同汽泡都係天然發酵出嚟, 唔係人造架, 真係上左一課!
最後我買左8支酒, 拎唔到? 唔緊要, 有免費送貨, Good 呀! 抵讚!
Other Info. :
買滿$350就做到VIP, 買嘢有八五折, 店員仲提我下次可以打電話落order, 貨到付款, 咁貼心0既服務, 值得推介俾大家!
(The above review is the personal opinion of a user which does not represent OpenRice's point of view.)
Post
