Video
Read full review
2021-03-18
1316 views
趁住屋企人生日，就帶佢地去迪士尼樂園酒店嘅晶荷軒食下可愛精緻嘅點心啦。座位與座位之間寬闊，坐係窗邊仲見到一片海，好舒適嘅環境。因疫情關係menu要scan QR code睇，對老人家嚟講有少少唔方便，不過都無太大問題。荔蓉天鵝酥($88)天鵝頭部係脆曲奇，荔蓉香滑，但相比其他茶樓較硬淨，可能係為左整得更接近天鵝形。雪菜蟹肉餃($88)賣相好靚，有少少金色係餃上更顯高貴，味道較清淡，但內餡份量足夠，食得出蟹肉。蜜餞火腿鮮果片皮雞($308)知道佢地出名片皮鴨，但唔記得事前預訂所以試唔到，所以就叫左片皮雞。層次十分有趣！最上層係脆口雞皮，接住係滑嫩雞肉、蜜瓜、蜜餞火腿。感覺就好似平時食Parma ham配蜜瓜咁，只係加上超脆雞皮同雞肉，論創意會比滿分，味道上就感覺有少少唔夾。個人覺得塊皮確實出色，唔油膩無肥膏，而且炸得好脆好脆，咬一口會發出清脆嘅聲音。雪蓮子鮮竹浸有機菠菜苗($208)菠菜苗好滑，上湯好好味。第一次食雪蓮子口感好得意，好補嘅感覺。蝦籽海參黑毛豬叉燒炒河($248)海參煮得岩岩好，無腥味，蝦籽微微撒係表面，增添風味。黑毛豬叉燒味道還好，唔韌。河粉炒得唔錯，唔會散晒，掛埋汁好滋
座位與座位之間寬闊，坐係窗邊仲見到一片海，好舒適嘅環境。
因疫情關係menu要scan QR code睇，對老人家嚟講有少少唔方便，不過都無太大問題。
荔蓉天鵝酥($88)
荔蓉天鵝酥
$88
37 views
0 likes
0 comments
天鵝頭部係脆曲奇，荔蓉香滑，但相比其他茶樓較硬淨，可能係為左整得更接近天鵝形。
雪菜蟹肉餃($88)
雪菜蟹肉餃
$88
58 views
0 likes
0 comments
賣相好靚，有少少金色係餃上更顯高貴，味道較清淡，但內餡份量足夠，食得出蟹肉。
蜜餞火腿鮮果片皮雞($308)
蜜餞火腿鮮果片皮雞
$308
31 views
0 likes
0 comments
知道佢地出名片皮鴨，但唔記得事前預訂所以試唔到，所以就叫左片皮雞。
層次十分有趣！最上層係脆口雞皮，接住係滑嫩雞肉、蜜瓜、蜜餞火腿。
感覺就好似平時食Parma ham配蜜瓜咁，只係加上超脆雞皮同雞肉，論創意會比滿分，味道上就感覺有少少唔夾。
個人覺得塊皮確實出色，唔油膩無肥膏，而且炸得好脆好脆，咬一口會發出清脆嘅聲音。
雪蓮子鮮竹浸有機菠菜苗($208)
雪蓮子鮮竹浸有機菠菜苗
$208
22 views
0 likes
0 comments
菠菜苗好滑，上湯好好味。第一次食雪蓮子口感好得意，好補嘅感覺。
蝦籽海參黑毛豬叉燒炒河($248)
蝦籽海參黑毛豬叉燒炒河
$248
25 views
0 likes
0 comments
海參煮得岩岩好，無腥味，蝦籽微微撒係表面，增添風味。黑毛豬叉燒味道還好，唔韌。
河粉炒得唔錯，唔會散晒，掛埋汁好滋味。
然後係最期待嘅迪士尼角色造型點心！🏰
迪士尼Duffy & ShelliMay甜包($88)
迪士尼Duffy & ShelliMay甜包
$88
40 views
0 likes
0 comments
好可愛嘅包啊！雖然唔似樣（笑）
Duffy係紅豆餡，而ShelliMay係斑蘭餡；雖然餡比較少但勝在可愛，打和！
醫神海鮮雞肉包($88)
醫神海鮮雞肉包
$88
43 views
0 likes
0 comments
醫神造型太可愛，因為比較易整所以個樣都叫忠於作品。包體好柔熟，入面係雞肉餡，即係雞包仔。
實在得意到忍唔住不斷影相！
米奇煎薄餅($88)
米奇煎薄餅
$88
247 views
0 likes
0 comments
依款煎薄餅其實係薄罉，入面都足料又不失香脆，食得出有蝦米，又食得又睇得！
集合所有特色點心影左張相😂
最後當然要食甜品，因為出名嘅款式已經賣晒，所以如果大家下次嚟試記得要先叫定甜品。
陳皮紅豆沙湯丸($68)
陳皮紅豆沙湯丸
$68
19 views
0 likes
0 comments
紅豆沙唔重陳皮味，有兩粒芝麻湯圓。
香芒豆花涼粉($68)
香芒豆花涼粉
$68
60 views
0 likes
0 comments
芒果好甜，一粒粒豆花係杏仁豆腐嘅質感，好有咬口！
雖然自己同家人都唔係迪士尼迷，但見到咁可愛嘅點心、咁靚嘅環境，真係既開心又放鬆！希望下次可以試到片皮鴨！
Post
