Video
Read full review
2024-08-26
38 views
第一次去重房食omakase 偷聽到隔離唔少客人都係熟客仔 已經對食物質素有啲期待 食完之後就明白點解咁多熟客仔 食材新鮮 配搭新穎 味道豐富🥹🍣晚市Omakase($1580)Lunch就分$598同$798兩個價位 銅鑼灣黎講價錢算正常😆晚餐總共有17-18品 先講下我嘅頭三位 排名不分先後 因為真係分唔到🤗🏆白紫海膽 配三文魚子 甜蝦蓉 法國魚子醬淨係睇啲食材名同睇相已經感受到呢道菜嘅華麗 海膽係即開白紫海膽 比起平時嘅馬糞海膽更creamy同更甜 不過就黎唔岩季節 想食可能要等下年🤭🤭🍣腦天中吞拿魚腩呢道菜又係極驚喜 微微灸燒腦天 再搵紫菜夾住中拖一齊食 灸燒同魚油味大爆發 口感同味道極豐富 一定要同師傅講想食呢道菜😌😌中拖油香岩岩好 大拖就可能會有啲膩了🤣🏆和食料理金目鯛立鱗燒 南瓜湯球第三樣係一道熟食 估唔到熟食都可以令人咁驚艷 立鱗燒係大火燒到皮脆到企喺度咁 之前都食過呢個煮法 但重房師傅非常厲害 拿捏非常好 令皮真係好脆之餘魚肉極多汁 可以話係燒魚嘅天花板🤤南瓜湯球係份子料理方式想南瓜湯變左個波波 好似爆爆珠咁 一咬就爆汁 南瓜湯味 但口感就好新鮮 大推介 必食🤓其實選
偷聽到隔離唔少客人都係熟客仔 已經對食物質素有啲期待 食完之後就明白點解咁多熟客仔 食材新鮮 配搭新穎 味道豐富🥹
🍣晚市Omakase($1580)
Lunch就分$598同$798兩個價位 銅鑼灣黎講價錢算正常😆
晚餐總共有17-18品 先講下我嘅頭三位 排名不分先後 因為真係分唔到🤗
🏆白紫海膽
配三文魚子 甜蝦蓉 法國魚子醬
淨係睇啲食材名同睇相已經感受到呢道菜嘅華麗 海膽係即開白紫海膽 比起平時嘅馬糞海膽更creamy同更甜 不過就黎唔岩季節 想食可能要等下年🤭🤭
🍣腦天中吞拿魚腩
呢道菜又係極驚喜 微微灸燒腦天 再搵紫菜夾住中拖一齊食 灸燒同魚油味大爆發 口感同味道極豐富 一定要同師傅講想食呢道菜😌😌中拖油香岩岩好 大拖就可能會有啲膩了🤣
🏆和食料理
金目鯛立鱗燒 南瓜湯球
第三樣係一道熟食 估唔到熟食都可以令人咁驚艷 立鱗燒係大火燒到皮脆到企喺度咁 之前都食過呢個煮法 但重房師傅非常厲害 拿捏非常好 令皮真係好脆之餘魚肉極多汁 可以話係燒魚嘅天花板🤤
南瓜湯球係份子料理方式想南瓜湯變左個波波 好似爆爆珠咁 一咬就爆汁 南瓜湯味 但口感就好新鮮 大推介 必食🤓
其實選出左呢三樣都好困難 因為好多道菜都好有心思同技巧 例如係燒左蝦頭膏嘅西班牙紅蝦 坊間就咁食紅蝦都$200-$300 所以食材好矜貴 而刺身亦都專登調配左黑松露醬油去突出平政嘅味道 帶出本身味道較淡嘅白身魚嘅魚香味🥹🥹
其餘菜式包括
西班牙紅蝦
兵庫縣黃金武士生蠔
平政魚配黑松露醬油
九洲象拔蚌配竹炭鹽
磯煮鮑魚 鮑魚肝醬
🍣壽司五貫
北海道北寄貝
地鯛柚子胡椒
秋刀魚
北海道喜之次
北海道馬糞海膽
🍲湯品
超濃魚湯
無味精都極甜🥹🍧甜品
靜岡蜜瓜
🥗前菜
北海道白粟米 高糖度蕃茄
Post
