Video
Read full review
2024-10-21
188 views
中學時期，大部分時間都係喺粉嶺聯和墟。每一次返到嚟呢個小天地，都會諗起自己讀中學嘅時間，過了打打罵罵的年紀，想起了那時候歲月靜好、紅塵無憂。十年人事幾翻新，雖然以前嘅聯和墟同現在比較會有啲分別，不過好多人情味小店，還有拎住自家種植蔬果出嚟賣嘢嘅伯伯婆婆依舊不變。今日嚟到聯和墟呢一間T cafe,雖然我讀中學嗰陣佢都仲未開，不過佢聞名北區嘅咖啡奶茶就吸引到我嘅注意。今日難得me time一個人嚟到粉嶺，去咗呢一間位於舊區嘅新舖，一嚐慕名已久的奶茶。🐔焗鮮茄雞扒飯唔知道你哋心目中嘅焗飯係點嘅呢？仲記得細個爸爸媽媽帶我去餐廳度食,面頭總係有少少燶燶地，好香嘅芝士味！唔會好似而家某啲大集團咁拎去烘一烘就當話焗飯畀人食，值得講下嘅係佢呢度嘅雞扒，嫩滑彈牙，蕃茄汁真係有鮮茄，炒飯底亦都好夠乾身，以五十幾蚊仲要送埋餐飲嘅價錢嚟講，如果佢返嚟我屋企馬鞍山附近應該贏曬9成餐廳🤣🧋港式凍奶茶講一個餐飲業嘅小秘密畀大家知，應該都唔少人鍾意飲奶茶。以前舊式嘅師傅做法係會自己將粗茶幼茶同埋lipton茶進行拼配，而現在大部分嘅餐廳都已經有拼配茶可以叫貨，少咗呢一個工序。想沖一杯好飲嘅奶茶首先就要有一個奶茶袋隔乾
每一次返到嚟呢個小天地，都會諗起自己讀中學嘅時間，過了打打罵罵的年紀，想起了那時候歲月靜好、紅塵無憂。
十年人事幾翻新，雖然以前嘅聯和墟同現在比較會有啲分別，不過好多人情味小店，還有拎住自家種植蔬果出嚟賣嘢嘅伯伯婆婆依舊不變。
今日嚟到聯和墟呢一間T cafe,雖然我讀中學嗰陣佢都仲未開，不過佢聞名北區嘅咖啡奶茶就吸引到我嘅注意。
今日難得me time一個人嚟到粉嶺，去咗呢一間位於舊區嘅新舖，一嚐慕名已久的奶茶。
🐔焗鮮茄雞扒飯
唔知道你哋心目中嘅焗飯係點嘅呢？
仲記得細個爸爸媽媽帶我去餐廳度食,面頭總係有少少燶燶地，好香嘅芝士味！唔會好似而家某啲大集團咁拎去烘一烘就當話焗飯畀人食，
值得講下嘅係佢呢度嘅雞扒，嫩滑彈牙，蕃茄汁真係有鮮茄，炒飯底亦都好夠乾身，以五十幾蚊仲要送埋餐飲嘅價錢嚟講，如果佢返嚟我屋企馬鞍山附近應該贏曬9成餐廳🤣
🧋港式凍奶茶
講一個餐飲業嘅小秘密畀大家知，應該都唔少人鍾意飲奶茶。以前舊式嘅師傅做法係會自己將粗茶幼茶同埋lipton茶進行拼配，而現在大部分嘅餐廳都已經有拼配茶可以叫貨，少咗呢一個工序。
想沖一杯好飲嘅奶茶首先就要有一個奶茶袋隔乾淨裏面嘅茶渣，用大火煲滾大概20分鐘左右急速撞茶，然後再回火十分鐘左右。
呢度嘅師傅沖嘅奶茶真心唔錯👍一啲都唔會鞋口🥰
你哋知唔知呢間餐廳喺邊？
Post
