Video
Read full review
2019-06-19
714 views
一直以來都想開始寫食評，除了分享外，亦想為自己保留記憶，可是總係的唔起心肝但近來，驚覺愈來愈多小店消失了，再檢視一下自己既消費pattern，的確幫襯大商場食店比例較多，主要因為方便吧。就係因為咁，我決心扭轉一下個比例，要多D支持小店，而我既開始就獻比「和拉麵」吧 。因為很多時星期六下午都會和友人到大埔，而「和拉麵」既位置真係幾山旮旯，唔係咁易搵到。即使入左呢條小巷，都可能被地理位置較好既拉麵店吸引左而錯失左更好既和拉麵。呢度主要有三種拉麵，包括「豚骨原味」﹑「辛辣」同「味噌」，而我就選擇左原味，就可以加錢要濃湯同一般拉麵店相同，都有得選擇湯底(普通/濃湯)、蒜、大盛蔥(多與少) 和拉麵既硬度。特濃湯底係正既，口感有D黏充滿膠質，但絕對濃而不膩。通常好多渣既拉麵湯底都會飲完覺得好口渴，但呢個真係唔會。而呢碗拉麵最出色既地方就係兩塊燒叉燒，真係燒得好香，經過輕輕火炙，你係feel到有少少焦香味。另外店員推介我地一定要試佢地自家炒製的辣芽菜，好食到停唔到口！正~另外我地都叫左兩樣小食 - 吉列廣島蠔 同煙肉芝士大菇。 吉列蠔係好食既，炸完都仲會好Juicy，而且都算唔夠細隻。相比之下，煙肉
但近來，驚覺愈來愈多小店消失了，再檢視一下自己既消費pattern，的確幫襯大商場食店比例較多，主要因為方便吧。
就係因為咁，我決心扭轉一下個比例，要多D支持小店，而我既開始就獻比「和拉麵」吧 。
因為很多時星期六下午都會和友人到大埔，而「和拉麵」既位置真係幾山旮旯，唔係咁易搵到。即使入左呢條小巷，都可能被地理位置較好既拉麵店吸引左而錯失左更好既和拉麵。
呢度主要有三種拉麵，包括「豚骨原味」﹑「辛辣」同「味噌」，而我就選擇左原味，就可以加錢要濃湯同一般拉麵店相同，都有得選擇湯底(普通/濃湯)、蒜、大盛蔥(多與少) 和拉麵既硬度。
豚肉豬骨拉麵
$75
25 views
0 likes
0 comments
特濃湯底係正既，口感有D黏充滿膠質，但絕對濃而不膩。通常好多渣既拉麵湯底都會飲完覺得好口渴，但呢個真係唔會。而呢碗拉麵最出色既地方就係兩塊燒叉燒，真係燒得好香，經過輕輕火炙，你係feel到有少少焦香味。
另外店員推介我地一定要試佢地自家炒製的辣芽菜，好食到停唔到口！正~
吉列廣島蠔
$48
16 views
0 likes
0 comments
煙肉芝士焗大菇
$38
6 views
0 likes
0 comments
見到牆上張貼有「日本A4和牛拉麵」同「極上龍蝦拉麵」，但價格都唔係咁親民，或者下次再試吧。
最後埋單後，店員為我地送上兒時很喜歡食既蜜蜂糖。食完一D較濃味既食物後，真的很適合呢個時候食返粒甜甜的糖，令人感動。很欣賞呢個安排，很貼心。有時我會覺得好食既野，好多店舖都可以食到，唯獨貼心既安排，即使係一D細節既位，先至係令你最滿足既地方。
Post
