楓 (Closed)

陪男朋友去war game 店睇野，原來war game gear 鋪集中地仁安大廈裏面都有d食肆，呢間門面裝修得好日本小店風，門外貼滿食物相，門口有刨冰買一送一，好吸引…入去試下先⋯⋯帶子大阪燒- ＄98其實好少食大阪燒，因為唔係好多餐廳有得食，見到原來係呢度嘅招牌菜，所以即刻order, 呢個大阪燒都好多料：有帶子、椰菜絲，雜菇、粟米、蟹柳等⋯ 個面鋪滿紫菜碎，再淋上醬汁同柴魚片，個粉醬唔太厚，啱啱好，咬落口，滿滿嘅餡，非常juicy又彈牙，唔錯。炙燒慢煮雞叉燒蕃茄湯烏龍麵 ＄78蕃茄湯夠濃厚，仲會見到一粒粒蕃茄肉，烏龍麵即是烏冬麵，呢間做得非常滑溜，雞和叉燒因為炙燒過，所以好香口，配合濃濃蕃茄湯，好味道。伯爵刨冰杯 ＄48（買一送一）面果層伯爵茶味忌廉，非常細滑，超濃伯爵茶香味，刨冰非常幼細，口感似雪糕，好香好滑，呢個甜品係今餐個重點，必叫。蜂蜜柚子梳打 +$19好香柚子蜜，配合梳打，最啱食完濃味嘅大阪燒，就飲一杯。