Video
Read full review
2024-12-01
1193 views
《聰嫂私房甜品 - 旺角》呢一間係充滿回憶嘅甜品店，以前將軍澳返學，放咗學成日都會同啲同學仔過嚟食個甜品先返屋企😚曾經有個時候旺角都有分店，成日gathering完都會食返個龍眼椰果冰先至夠皮🥹自從旺角分店冇咗之後就冇機會再食返啦😍前幾日行過女人街附近竟然比我見到佢裝修緊，一開就梗係要大大力支持啦💪🏻星期二晚九點幾諗住食個糖水先走，去到聰嫂見到排晒長龍勁誇張😨等咗大約10分鐘先有位，我就梗係叫返每次必食嘅龍眼椰果冰啦🤗以前我啲朋友多數都會叫佢嘅招牌芒果雙皮奶，但係原來佢哋個楊枝甘露都同樣出色💁🏻♀️龍眼椰果冰 $49入坑必食嘅甜品之一，我記得第一次食嘅時候真心俾佢驚艷到，龍眼沙冰食得出一絲絲嘅龍眼肉，夏天食透心涼之餘仲覺得好清爽，除咗有龍眼冰之外，仲會食到爽脆嘅水晶珠同埋原粒龍眼肉，入口多層次，但係又唔會死甜，食得出係水果嘅原汁原味👍🏻第一次食聰嫂建議一定要試💁🏻♀️楊枝甘露 $49雖然楊枝甘露係好傳統嘅甜品，嚟得聰嫂就真係好少食，不過佢嘅用料十足，成碗入面有大量芒果同埋西柚肉，西米煮到軟腍腍好順喉，芒果肉同埋奶打成果汁個味道都好濃郁🍹相信喜歡食傳統糖水嘅都會喜歡
呢一間係充滿回憶嘅甜品店，以前將軍澳返學，放咗學成日都會同啲同學仔過嚟食個甜品先返屋企😚曾經有個時候旺角都有分店，成日gathering完都會食返個龍眼椰果冰先至夠皮🥹自從旺角分店冇咗之後就冇機會再食返啦😍前幾日行過女人街附近竟然比我見到佢裝修緊，一開就梗係要大大力支持啦💪🏻星期二晚九點幾諗住食個糖水先走，去到聰嫂見到排晒長龍勁誇張😨等咗大約10分鐘先有位，我就梗係叫返每次必食嘅龍眼椰果冰啦🤗以前我啲朋友多數都會叫佢嘅招牌芒果雙皮奶，但係原來佢哋個楊枝甘露都同樣出色
💁🏻♀️龍眼椰果冰 $49
入坑必食嘅甜品之一，我記得第一次食嘅時候真心俾佢驚艷到，龍眼沙冰食得出一絲絲嘅龍眼肉，夏天食透心涼之餘仲覺得好清爽，除咗有龍眼冰之外，仲會食到爽脆嘅水晶珠同埋原粒龍眼肉，入口多層次，但係又唔會死甜，食得出係水果嘅原汁原味👍🏻第一次食聰嫂建議一定要試
💁🏻♀️楊枝甘露 $49
雖然楊枝甘露係好傳統嘅甜品，嚟得聰嫂就真係好少食，不過佢嘅用料十足，成碗入面有大量芒果同埋西柚肉，西米煮到軟腍腍好順喉，芒果肉同埋奶打成果汁個味道都好濃郁🍹相信喜歡食傳統糖水嘅都會喜歡
Post
