東京@mytokyo (Closed)

晚飯時間落雨, 同女友入到去, waiter 哥哥好好禮貌咁幫我放好把遮, 女友話我1定唔會記得拎,咁我當然好自信咁話自己記性好啦。西式裝修, 比較暗,真係幾浪漫, 唔知係唔係因為有射燈, D食物睇落好有光澤, 呢個idea 幾好。仲不時加茶,很好。推介海膽甜蝦and 清酒煮蜆, 可能因為食材新鮮, 好味。另外佢地有個烤牛舌, 咸咸地, 口感彈牙, good。重點推介:初戀。係飲品黎既, 荔枝+蘆薈+rum酒, 甜甜爽爽, 仲有酒精, 加埋個環境, 真係幾有feel 架。最後1樣野,埋單走人既時候, 佢拎左果把我已經唔記得佢存在既遮比我。咁岩女友去左toilet, 落樓開遮仲可以懶醒話自己記得拎,哈哈。真係要講聲thank you。總括, 食物不錯, 服務很好, 環境很好, had a great time, 所以玩完返home都要打埋呢篇野先訓。