手工咖啡豆專賣店 (Under Renovation)

因喺Fb見到呢間cafe而抱住試一試心態。Cafe環境好舒適，音樂輕快，充滿咖啡香，再加上人唔多，享受到片刻嘅寧靜，令身心都可以鬆一鬆。今次order柚子梳打咖啡，兩樣完全唔相關嘅飲品，飲咗一啖即令味蕾帶嚟好大衝擊。清新柚子味，加上咖啡濃香，兩者竟然係一拍即合。炎熱夏天最適合飲番杯！茄汁大蝦意粉，意粉硬度恰到好處，茄汁唔似坊間咁落茄醬，食到鮮茄汁嘅清爽。大蝦唔霉，彈牙，賣相靚。 咖啡，意粉，寧靜嘅環境，令到視覺，聽覺都係一大享受！