Video
Read full review
2016-12-20
200 views
今日同K先生去咗上環樓上酒吧談心，唔好以為樓上酒吧一定龍蛇混雜、 烏煙瘴氣。反之，呢間位於世瑛大厦嘅《Moment Private Lounge & Kitchen 》 畀人一種高尚、輕鬆、私密嘅感覺。 由於《Moment》 係隔離西班牙私房菜《Sabor》嘅姊妹店， 喺品嚐美酒之餘， 亦可品嚐到佳餚。先講環境，一進便見到佈滿酒樽嘅Bar枱，bartender 忙於調製 cocktail。餐廳燈色昏暗，牆上嘅掛燈同埋燭光相輝映著，加上播放著柔和嘅音樂，令人好容易就投入放鬆嘅思緒。餐廳內亦有沙化座位，令疲倦嘅身軀都可以得到依靠。一坐低就叫咗《Moment》嘅招牌cocktail， 呢度 嘅cocktail好有特色， 每款嘅擺設都好靚， 靚到真係會唔捨得飲。 今日就試咗Special edition cocktail 系列之中嘅【Emerald】，Emerald 即係翡翠嘅意思， 飲品一上枱嗰陣， 就好似月光寶盒一樣發光發亮， 光芒就好似極光一樣， 隨時間轉變顏色， 感覺相當迷幻。 味道方面， 一入口有陣陣蜜瓜香， 酒精味唔係好濃烈， 味道相當容易接受。第二款cocktail ，【Parf
先講環境，一進便見到佈滿酒樽嘅Bar枱，bartender 忙於調製 cocktail。餐廳燈色昏暗，牆上嘅掛燈同埋燭光相輝映著，加上播放著柔和嘅音樂，令人好容易就投入放鬆嘅思緒。餐廳內亦有沙化座位，令疲倦嘅身軀都可以得到依靠。
一坐低就叫咗《Moment》嘅招牌cocktail， 呢度 嘅cocktail好有特色， 每款嘅擺設都好靚， 靚到真係會唔捨得飲。 今日就試咗Special edition cocktail 系列之中嘅【Emerald】，Emerald 即係翡翠嘅意思， 飲品一上枱嗰陣， 就好似月光寶盒一樣發光發亮， 光芒就好似極光一樣， 隨時間轉變顏色， 感覺相當迷幻。 味道方面， 一入口有陣陣蜜瓜香， 酒精味唔係好濃烈， 味道相當容易接受。
第二款cocktail ，【Parfum de Femme】，呢款cocktail賣相非常之女性化， 雞尾酒用香水樽送上， 隱若聞到陣陣花香， 賣相滿分。 味道方面，酒精較為濃烈， 飲得出Gin嘅味道， 加埋少少檸檬汁， 酸味味，相當醒神。
先黎一個小食【 鴨肝醬配crackers】，呢道小食賣相有如甜品般精緻， 肝醬味道濃郁， 配合埋黑醋醬汁， 可以減低肝醬嗰份騷香，而crackers 非常脆口， 一口肝醬配一塊crackers， 食落最佳享受。
另一佐酒小食【 脆炸雞翼】， 雞翼非常香脆， 舖上麵包糠之後再炸至金黃，配埋自家製嘅醃蘿蔔絲， 中和那份油膩感， 配以啤酒一流。
西班牙小食【Garlic Shrimps 】, 呢一道蒜頭蝦，係隔離店鋪Sabor嘅主打菜式， 蒜蓉蝦用熱辣辣衣缽仔盛好， 上枱時仲係好熱辣辣， 未食已經聞到蒜香味十足， 蝦肉爽口彈牙， 油浸蒜頭脆卜卜， 非常之惹味。
主菜之一【燉牛尾】， 牛尾炆得非常之軟， 牛味非常濃郁， 而且亦炆得非常入味，下面伴有香蔥薯蓉， 口感細滑， 同牛尾相當匹配。
另一主菜【墨魚汁墨魚麵】，呢道墨魚麵相當有特色， 皆因墨魚麵係由新鮮大墨魚 一條一條咁砌出嚟， 完全無添加任何麵粉， 食落除咗有墨魚嘅彈牙口感之外， 亦有突出嘅墨魚味。廚師嘅刀工可以將墨魚切成麵條， 可見其巧手。
最後係甜品 【西班牙燉蛋】， 燉蛋上面有脆卜卜嘅焦糖， 下面就係軟滑嘅燉蛋，充滿肉桂，檸檬香。
《Moment 》那份心思同對食物嘅堅持，令食客一試難忘。喜歡同朋友把酒談歡嘅你一定唔可以錯過。
Post
