BBQ Chicken Premium Chicken (Closed)

小弟一向對煎炸食物有濃厚嘅興趣, 今晚有熱愛韓國飲食文化邀請, 到呢間非常聞名嘅炸雞店享用晚餐。先有地道韓式前菜開開胃口，雖然泡菜帶有微辣，但依然非常惹味。而醃蘿蔔味道酸酸甜甜，絕對有醒胃作用。兩杯飲品亦相當透心涼，清新嘅柚子及荔枝蔬打，既有新鮮嘅果肉，味道亦唔會太甜，成份夠晒天然。兩款炸雞，分別有韓式香蒜炸雞及三寶炸雞。前者蒜蓉味道香濃，令人食慾大動。脆漿亦非常之薄身，入口鬆脆，一啲油膩感都無，可以食到嫩滑嘅雞肉同埋熱騰騰嘅肉汁，值得推介！而三寶炸雞同埋有著金黃色澤，同時呈獻橄欖炸雞，祕製炸雞以及辣醬炸雞三個味道。其中我最愛，必然是辣醬那一款！辣味內外夾攻，除了雞身本身醃了辣味之外，雞件外的醬汁亦具辣味，令人吃得滋味。不過，如果怕味道太辣，建議可叫一客清新嘅田園沙津，以新鮮嘅沙津菜，中和口腔中嘅辣味。甜品有太陽刨冰及明洞咖啡綿花冰。係甜蜜蜜嘅煉奶及磨得夠細嘅紅豆蓉伴隨下，以及芒果雪糕夾攻，三者共冶一爐，令整個刨冰滋味呈度大大提高，滿足度爆分！而咖啡棉花杯外表及味道也相當出色，將Espresso倒進棉花內，形成咖啡刨冰，再將中間內嘅雪糕一拼放入口中，實為一大享受。