Video
Read full review
2011-02-01
35 views
金都其實係我屋企人經常去飲茶食飯既地方，佢地出品只可以用不過不失去形容。有鑑於過去幾年，金都推出既散叫火鍋實在令人汗顏，所以今年既任食火鍋實在沒有抱太大期望。晚上 8:45 前入座：HK$98/位 晚上 8:45 後入座：HK$88/位 以上已包括加一、湯底及飲品，限 2.5 小時 (但閒日唔多人等位，所以夠鐘都唔會催人走)飲品有酸梅湯，雪梨水，利賓納，竹蔗水等等共6 款，另有某碑酒任飲湯底都係一般沙爹、清湯、豬骨 ... 要留意佢地既豬骨用燒豬骨，同一般酒樓(如稻X)不同，所以豬骨味不重。但可以讚下佢加水時真係加湯，出面大部份餐廳都係加水，湯底會愈來愈稀，但因為金都係加湯，所以個湯底愈滾愈有味。事前家人已食過幾次，已知會左每次入單只有 8 成食物出齊，所以當晚已經有心裡準備，但居然連普通既芝士腸都冇就真係那過左小小，最後我都忍唔住問過經理，結果佢即刻沖入去廚房拎出黎比我，雖然好尷尬，但只要問... 最後都有得食。一般任食火鍋都係果D食物，大約 20 種左右，都係 D 平價野：肥牛OK新鮮；羊肉、炸魚皮太碎；豬肉片出左豬頸肉，但滾好耐都唔硬；魚骨、魚腩媽媽都話好正，我見到都好多肉 !!
晚上 8:45 前入座：HK$98/位
晚上 8:45 後入座：HK$88/位
以上已包括加一、湯底及飲品，限 2.5 小時 (但閒日唔多人等位，所以夠鐘都唔會催人走)
飲品有酸梅湯，雪梨水，利賓納，竹蔗水等等共6 款，另有某碑酒任飲
湯底都係一般沙爹、清湯、豬骨 ... 要留意佢地既豬骨用燒豬骨，同一般酒樓(如稻X)不同，所以豬骨味不重。
但可以讚下佢加水時真係加湯，出面大部份餐廳都係加水，湯底會愈來愈稀，但因為金都係加湯，所以個湯底愈滾愈有味。
事前家人已食過幾次，已知會左每次入單只有 8 成食物出齊，所以當晚已經有心裡準備，但居然連普通既芝士腸都冇就真係那過左小小，最後我都忍唔住問過經理，結果佢即刻沖入去廚房拎出黎比我，雖然好尷尬，但只要問... 最後都有得食。
一般任食火鍋都係果D食物，大約 20 種左右，都係 D 平價野：
肥牛OK新鮮；
羊肉、炸魚皮太碎；
豬肉片出左豬頸肉，但滾好耐都唔硬；
魚骨、魚腩媽媽都話好正，我見到都好多肉 !!
雲吞、九菜餃皮薄料足，魚皮餃較硬；
豬潤第一次ORDER 時較好，第二次就好黑，第三次直頭冇出；
手打丸類 OK 好食，但鮻魚丸好腥，蝦丸、墨魚丸好彈牙；
鵝腸...爸爸話混左 D 雞腸但仍然新鮮
另外有烏冬同出前一丁都係完整一包拎出黎...見到有人冇食到拎走左 =.="
總括黎講，以 HK$98 / 位黎計，價錢同沙田大排檔差唔多，但環境，服務及衛生都好好多。由於附近新開左兩間都係食火鍋既酒樓，所以金都今年都有變陣出戰，雖然唔可以話佢好好，但已經比起前年既火鍋好左好多。
Post