越之味 (新都城中心) (Closed)

前幾日午餐時段去左食，唔洗等位就有得入。我叫左個佢地招牌慢煮生牛肉湯河粉，跟餐有一杯熱生薑茶。但係佢杯熱飲用鐵杯裝住，搞到擺左好耐先攤得凍，先飲到，味道亦唔濃，飲品方面相對上比較一般。而個慢煮生牛肉湯河粉方面，首先值得一讚的是佢個湯底相當濃郁，唔係普通一般清湯，而係有幾重牛肉味，河粉分量亦相對上幾多，絕對夠食。而最好食當然係牛肉，啱啱攞過嚟嘅時候係生牛肉，浸一浸啲湯就半生熟，而牛肉味好重，亦唔難咬，值得再食。雖然個餐$68有少少貴，但係味道的確好食。