釧

Open Now

Now Closed

想食呢間餐廳既omakase好耐了，呢晚終於約左朋友過黎食。我地點左呢知叫瀧既餐，有3款前菜、3款一品料理、8件壽司、湯同埋甜品，好豐富。首先，前菜有北海道瀨尿蝦刺身，呢道食材比較少見，新鮮又好味。下一道菜係好多層次，由上而下係俄羅斯魚子醬，牡丹蝦，蕃茄啫喱，龍蝦湯奶凍，認真創作，味道好夾。之後有北寄貝，口感爽口。壽司方面，有伊左木、池魚、石門貝、黑鱸魚、平貝加烏魚子、鯖魚、石池魚、縞蝦，超拖羅，可以試咁多唔同種類嘅魚生真係好正，而且全部都好新鮮。呢個馬糞海膽份量超多，值回票價，完全無腥味，好鮮甜。跟住有響螺湯。重頭戲係呢個甜品，望落去勁靚，有甜甜既蜜瓜、艾草曲奇、啫喱等，超滿足。