Video
Read full review
2017-10-22
276 views
簡介：呢間係素食版嘅放題，即係任點任食，限時兩個鐘。以下係佢哋嘅點心紙，可以見到款式並不太多。呢期佢哋做緊黑松露主題。由於本人鐘意飲湯，所以試個老火湯先，係青紅蘿蔔煲猴頭菇，都幾好味又夠熱。涼拌苦瓜 - 幾香麻油味，都幾好食，但我同老婆兩個人食唔使比咁多啩？唔好學埋哂寶x 素食啲衰嘢好喎。唐揚炸雞 - 通常素食扮肉嘅菜式都係把鬼，但呢個估你唔到又幾好食喎，食到停唔到口。黑松露蒸扇貝 - 完美咁演繹左咩叫金玉其外，敗絮其中，感覺係食緊一塊蒸到好熱嘅擦膠。蘿蔔香菇羹 - 呢個擺明係伏，相信係人都比佢 fake 左，呢個點睇都唔係世人所理解嘅羹啩？雖然唔跟封面，但其實味道唔錯嘅。跟住我就口痕想食雪葩，通常甜品都係食飽先食，但正所謂 rules are made to be 仆勤，我食任食就鐘意亂咁叫嘅。點知一食，不得了，好鬼好食。本人食任食同大多數香港人一樣，都係當達文西名畫 - 最後晚餐咁食。呢個並無貶義，就好似香港人睇煙花要嘩嘩聲咁睇，唔知就裡嘅人當我哋係港燦。又或者鋤 dee 要隻手助跑向外，大喝一聲咁掟出去先有快感。食浦飛就係要向最短時間內食最多嘅野，咁先好玩。不過一食到呢個芒果雪葩
由於本人鐘意飲湯，所以試個老火湯先，係青紅蘿蔔煲猴頭菇，都幾好味又夠熱。
老火湯
13 views
0 likes
0 comments
涼拌苦瓜 - 幾香麻油味，都幾好食，但我同老婆兩個人食唔使比咁多啩？唔好學埋哂寶x 素食啲衰嘢好喎。
涼拌苦瓜
12 views
0 likes
0 comments
唐揚炸雞 - 通常素食扮肉嘅菜式都係把鬼，但呢個估你唔到又幾好食喎，食到停唔到口。
唐揚炸雞
22 views
0 likes
0 comments
黑松露蒸扇貝 - 完美咁演繹左咩叫金玉其外，敗絮其中，感覺係食緊一塊蒸到好熱嘅擦膠。
黑松露蒸扇貝
18 views
0 likes
0 comments
蘿蔔香菇羹 - 呢個擺明係伏，相信係人都比佢 fake 左，呢個點睇都唔係世人所理解嘅羹啩？雖然唔跟封面，但其實味道唔錯嘅。
蘿蔔香菇素豬肉
8 views
0 likes
0 comments
跟住我就口痕想食雪葩，通常甜品都係食飽先食，但正所謂 rules are made to be 仆勤，我食任食就鐘意亂咁叫嘅。
芒果雪葩
11 views
0 likes
0 comments
點知一食，不得了，好鬼好食。
本人食任食同大多數香港人一樣，都係當達文西名畫 - 最後晚餐咁食。呢個並無貶義，就好似香港人睇煙花要嘩嘩聲咁睇，唔知就裡嘅人當我哋係港燦。又或者鋤 dee 要隻手助跑向外，大喝一聲咁掟出去先有快感。食浦飛就係要向最短時間內食最多嘅野，咁先好玩。
不過一食到呢個芒果雪葩，我就好似楚漢相爭時嘅楚軍聽到家鄉嘅歌曲咁，完全軍心渙散。本身覺得自己狀態好好，要食盡佢哋嘅菜式應該冇難道，但一食呢個芒果雪葩，我心裡面就響起 George Clooney 嘅名句 - what else? 已經唔想再試其他野了。
當然講係咁講，我嘅理智話比我聽唔可以沉淪落去，好似 TVB 劇入面向雪地就訓著嘅人，我要提住自己你唔可以訓㗎。
春卷 - 雖然犯左炸野嘅大忌 - 唔熱，但味道係非常唔錯。
春卷
5 views
0 likes
0 comments
擔擔麵 - 受過涼拌苦瓜嘅教訓，呢個麵叫佢比少啲，呢度係我分左一半比老婆先影嘅。味道普普通通啦。
擔擔麵
12 views
0 likes
0 comments
麻辣粉絲 - 唔好睇佢賣相核核突突咁，味道係好正嘅，非常惹味。雖然份量都係比好多，但呢次冇投訴，反正佢比得少我都會再點。
麻辣粉絲
9 views
0 likes
0 comments
紫菜湯水餃 - 好普通，不吃也罷。
紫菜湯水餃
12 views
0 likes
0 comments
食到咁上下我又沉淪喇，今次試下青檸雪葩先，以為做得芒果雪葩個friend 都唔會太差啦，但嘩頂唔順，太酸，天同地嘅分別。
青檸雪葩
6 views
0 likes
0 comments
跟住好自然地我又嗌番芒果雪葩喇，我發現青檸雪葩係要等好耐，但芒果雪葩就即叫即有，可能太受歡迎喇。整定好多向度。
不過呼籲大家食還食，唔好太任性。我總共就食左食四杯芒果雪葩，搞到個肚唔係好舒服，可能太寒涼。
Post
