生記茶餐廳 (Closed)

上網見到生記茶餐廳竟然俾人放上Open rice, 覺得好奇, click入去睇下, 都好多人讚喎! 我本身住紅磡, 之前幫襯過佢地, 都只不過係一間普通茶餐廳, 夜晚就做火窩, 唔上網都唔知佢地轉左型, 即管搵日同honey去試下, 可能係星期五嘅關係, 去到都要等位, 等位唔緊要, 但d伙記就安排得好鬼混亂, honey塊面當堂黑哂, 點知班伙記塊面重黑過佢, 完全好似唔憂做咁! 等左成粒鐘, 卒之坐低左, 我地叫左蟹粥同炸八爪魚丸, 講真, 蟹粥冇特別, 個八爪魚丸亦都冇特別, 完全係街市貨色, 再加少少粉炸兩炸, 肯定唔係自製, 上年喺隔兩條街間快餐店嘅下午茶餐已經食過, 都唔係咩創新菜式, 雖然帶左相機, 但係連舉起相機嘅興趣都冇, 食完埋單, honey塊面重黑多兩錢重, 肯定以後唔會再去!