泰興泰國菜館 (Changed Hand) New Restaurant

呢晚黎到西環都成十點，好多餐廳都已經閂左門，好彩見到呢間一直想食既泰菜仲開緊，梗係要同朋友去試下啦！海鮮冬蔭功湯冬蔭味夠濃，而且好足料有唔同既海鮮，兩個人每人分到一碗半。不過朋友就覺得如果可以再酸少少就perfect啦圖：黃咖哩雞 ＋ 蒜蓉包咖哩汁有好濃既椰奶味，辣味溫和但香料味道強勁，而且雞脾肉份量頗多。不過最令人驚喜就係佢既蒜蓉包，絕對係即叫即整，熱辣辣又香脆，點咖哩汁食搶哂鏡。朋友就話最欣賞佢既蒜蓉味夠重，一啲都唔hea。