Video
Read full review
2015-12-04
916 views
星期六嘅晚上, 相約左朋友去蘭桂坊飲野兼睇波。係開懷暢飲之前, 當然就要先食個晚飯, 始終空肚飲酒傷身嘛。 朋友係港島區居住, 對呢一帶嘅食店都相當熟悉, 所以佢就推介左呢間係擺花街附近嘅印度菜。呢間餐廳係商業大廈嘅7樓, 係大堂等一陣'車立', 就展開呢次印度味道之行。餐廳佈置頗有異國風情, 但table setting依然都係偏向西式, 始終都要方面香港人嘅飲食習慣嘛。呢度嘅價格定得一啲唔貴, 絕對係中環區便宜之選, 所以更加唔駛慳住個銀包, 可以隨自己心意點菜。先黎杯充滿印象風情嘅飲品, 分別係芒果同香蕉乳酪。酸酸甜甜嘅味道, 除左令人開胃之餘, 更加係有助解辣!侍應先送上胡椒脆餅作餐前小吃, 脆口非常, 而且胡椒味道香, 加上印度嘅3色香料, 味道倍感滋味!接著就係我地order嘅小食, 炸洋蔥圈。洋蔥圈不油不膩, 炸得乾身香脆, 洋蔥亦唔會苦, 點埋個醬, 甜甜地, 又同洋蔥圈幾合拍!!鐵版燒雞亦係我當晚嘅至愛, 雞件絕對係上等嘅食材, 完全食唔到任何雪藏味之餘, 雞肉嘅質感亦是鮮嫩無比, 如果份量再多一點就更好XD味道方面, 因為佢用鐵版上碟, 加上洋蔥作伴碟, 香味定必
朋友係港島區居住, 對呢一帶嘅食店都相當熟悉, 所以佢就推介左呢間係擺花街附近嘅印度菜。呢間餐廳係商業大廈嘅7樓, 係大堂等一陣'車立', 就展開呢次印度味道之行。
餐廳佈置頗有異國風情, 但table setting依然都係偏向西式, 始終都要方面香港人嘅飲食習慣嘛。
呢度嘅價格定得一啲唔貴, 絕對係中環區便宜之選, 所以更加唔駛慳住個銀包, 可以隨自己心意點菜。先黎杯充滿印象風情嘅飲品, 分別係芒果同香蕉乳酪。酸酸甜甜嘅味道, 除左令人開胃之餘, 更加係有助解辣!
侍應先送上胡椒脆餅作餐前小吃, 脆口非常, 而且胡椒味道香, 加上印度嘅3色香料, 味道倍感滋味!
接著就係我地order嘅小食, 炸洋蔥圈。洋蔥圈不油不膩, 炸得乾身香脆, 洋蔥亦唔會苦, 點埋個醬, 甜甜地, 又同洋蔥圈幾合拍!!
鐵版燒雞亦係我當晚嘅至愛, 雞件絕對係上等嘅食材, 完全食唔到任何雪藏味之餘, 雞肉嘅質感亦是鮮嫩無比, 如果份量再多一點就更好XD味道方面, 因為佢用鐵版上碟, 加上洋蔥作伴碟, 香味定必豐盛。雞件亦用上左些微嘅南亞風味嘅香料醃製, 味道固然係可口之外, 唔會奪走雞肉鮮味至為重要!
最後我地叫左咖哩燉羊肉同埋一客牛油烤餅。咖哩燉羊肉絕對係適合香港人嘅口味, 咖哩味香濃, 但辣味適中, 絕對唔會令人吃一啖就卻步~~羊肉亦燉得質地鬆軟, 食嘅時候唔駛花過多嘅力氣, 都食得出咖哩味已經滲進羊肉入面, 證明廚師確實用不少時候去烹調呢個餸菜, 誠意度爆燈!
牛油烤餅係即叫即整, 上枱時係熱辣辣, 麵包質地軟綿綿, 加上適量嘅牛油香, 就咁食已經夠滋味! 不過點埋咖哩汁, 味道會更加令人難忘!
一餐相當豐富嘅印度菜, 而且坐落中環鬧市, 兩個人都唔駛$400, 絕對係物超所值!!
Post
