Video
Read full review
2021-11-14
121 views
咁今日呢就同朋友嚟到一間位於尖沙咀嘅高質日式料理餐廳---鮨鱗我咁小編喺香港大大話話都食過唔少嘅日式料理餐廳，但係今次嘅體驗同以往有少少唔同，相信大家都知道日式料理其中一個特色就係師傅會同客人保持住溝通，令到客人對食材有更深嘅了解之餘仲可以更加輕鬆咁樣去享受佢哋嘅美食。而今次鮨鱗點解會令我留下深刻印象，其中一個原因就係今次同師傅嘅交流之中，除咗亦對食材有更深認識之餘，師傅仲講咗好多關於佢哋點樣入行同埋呢種日式料理嘅文化係兩地之間存在着咩差異。相信大家睇到呢度可能覺得有少少離題，但係我夠膽講每間唔同嘅日式料理餐廳都總有佢嘅特別之處，能夠更深入咁去了解呢一樣文化，點可以唔好好記住，留下美好回憶呢？咁廢話唔多講，我哋直接由第一步才開始講起啦！首先第一道菜就係用八爪魚油去煮嘅法式慢煮鴨胸伴芥末，再配上日本茄子 。第一道菜係非常重要，而呢一味菜就充分體現左廚師嘅心機，鴨胸非常嫩滑，配上芥末會令食慾更佳，師傅用蒸既方式將日本茄子嘅香味同味道發揮出來。然後第二道菜就係皮膜魚配上可食用花，花大有紫蘇葉嘅香味，而師傅仲用咗皮膜魚嘅肝做醬汁撈埋一齊食，完全唔需要外在嘅調味料，又菜式本身去到醬汁都係用魚嘅身
我咁小編喺香港大大話話都食過唔少嘅日式料理餐廳，但係今次嘅體驗同以往有少少唔同，相信大家都知道日式料理其中一個特色就係師傅會同客人保持住溝通，令到客人對食材有更深嘅了解之餘仲可以更加輕鬆咁樣去享受佢哋嘅美食。而今次鮨鱗點解會令我留下深刻印象，其中一個原因就係今次同師傅嘅交流之中，除咗亦對食材有更深認識之餘，師傅仲講咗好多關於佢哋點樣入行同埋呢種日式料理嘅文化係兩地之間存在着咩差異。相信大家睇到呢度可能覺得有少少離題，但係我夠膽講每間唔同嘅日式料理餐廳都總有佢嘅特別之處，能夠更深入咁去了解呢一樣文化，點可以唔好好記住，留下美好回憶呢？
咁廢話唔多講，我哋直接由第一步才開始講起啦！
首先第一道菜就係用八爪魚油去煮嘅法式慢煮鴨胸伴芥末，再配上日本茄子 。第一道菜係非常重要，而呢一味菜就充分體現左廚師嘅心機，鴨胸非常嫩滑，配上芥末會令食慾更佳，師傅用蒸既方式將日本茄子嘅香味同味道發揮出來。
然後第二道菜就係皮膜魚配上可食用花，花大有紫蘇葉嘅香味，而師傅仲用咗皮膜魚嘅肝做醬汁撈埋一齊食，完全唔需要外在嘅調味料，又菜式本身去到醬汁都係用魚嘅身體結構去完成，非常特別！
跟住落嚟就係有北海道口岸珍蠔，珍蠔好似手掌咁大隻，肉質爽甜，海水味非常濃郁。
秋刀魚係時令食材，師傅有心機咁用咗八梅切，賣相精緻，秋刀魚配上薑蔥豉油能夠帶出秋刀魚嘅鮮甜，魚味濃郁。
另外，令我最難忘嘅一道菜就係香箱蟹,aka,雌性松葉蟹，香箱蟹的蟹肉、蟹膏和蟹子攪拌食用，鮮味無比，蟹味齒頰留香。
大拖羅經過 火炙後，濃郁嘅吞拿魚油撲鼻而來，包住紫菜食用，可減低油膩感。大拖羅油份充裕，肉質非常鮮嫩，入口即溶。
食完刺身後師傅為我哋送上一道熟食，就係千葉原產地嘅赤鮑魚，鮑魚口感軟淋帶有彈性，伴上自家製嘅鮑魚肝醬，味道甘甜。
壽司方面，師傅安排咗蜜柑鯛，青海老，石門貝，深海大池魚， 赤鱸魚。
蜜柑鯛沒有魚腥味而且還帶有淡淡橘香，魚味十分清甜。
石門貝非常特別，同樣都是夏門限定的時令菜式，師傅在放上碟前會拍幾下石門貝令其馬上收縮，口感脆口，肉質鮮甜。
食完壽司後師傅為我哋準備咗最後一道熱食，燉藍龍蝦伴日本豆腐， 龍蝦肉質鮮甜，口感彈牙， 龍蝦味極度濃郁，豆腐嫩滑不易散，口感極佳！
最後甜品有餐廳自家製嘅抹茶奶凍，為晚餐畫上圓滿句號。
Post
