越南表嫂

Open Now

Now Closed

話說3年前同朋友去過越南，當時經常食河粉同法包，日日食到我都怕，呢幾年我都無再食越南菜，但難得放假，女朋友又想食呢間遠近馳名嘅越南餐廳，我就就咗去買外賣。我好早已經去到，但店舖已經接咗好多單，開咗半個鐘，我都要等45分鐘先拎到嘢食，而且店家有啲亂，出嘢食好似無跟順序咁…但食嘢最緊要味道！ 首先一碗生牛肉湯河，湯頭清甜，牛味亦足，可惜牛肉好韌，但呢個價位都正常嘅。另外又叫咗一碗豬扒拼墨魚餅撈檬，個豬扒唔錯，香茅味足，肉質唔柴，墨魚餅就非常惹味，口質彈牙，墨魚味又夠，可惜得一舊，如果鍾意食，應該要叫小食，個汁就酸酸哋，都幾開胃。最後仲有最驚喜嘅豬頸肉法包，法包非常脆，豬頸肉就正常味道，因為佢個醬太出色，如果經過真係會叫一個食。