The Roastery X (Closed)

同事生日lunch，一行3人去試新嘢。3人分別點左微辣海鮮意粉香草肉丸意粉煙三文魚沙律點餐飲是有推薦兩款不同咖啡，有服務。兩份意粉先到，擺盆精美，份量適中，同事們都覺得算正常嘢。份沙律最後嚟，一放落枱我哋6隻眼望完份沙律再互望。個碟淺到飛起「自己睇圖，我係iPhone 12 Pro Max」，數埋有十幾舊羅馬生菜，同埋卷起既兩片煙三文魚。真係忍唔住問嗰位唔知係經理定老闆既人：「請問呢個份量係咪正常？」因為有時怕廚房亂來，佢直接答，係呀，係咁㗎。我返左埋位睇返價錢，$84蚊，唔評價平定貴，你攪得午餐係咪應該俾返午餐既份量我呢？食左兩啖覺得自己好似個乞兒咁...，忍唔住再同返嗰條友講，佢就話如果你覺得有問題就幫你取消，你再叫其他...，你講到我好似無理取鬧咁，亦當然我話唔緊要，繼續食，但佢亦無去廚房再攞返任何菜出黎。同晚係中環$88食左個菜籃「圖4.5」，有牛油果，番茄，秋葵，紫薯蓉配自家汁，好味夠爆，我覺得佢收得平添。生意難做，點解有人開餐聽成功，有人失敗？皆因離地是也。