文華餅店

Open Now

Now Closed

復活節過左幾日，依家先有時間補番個食評 節日總會買d應節食品賀下佢，今年就有幸食到同事買嘅文華蛋糕文華餅店係復活節出左幾款應節嘅pastry，其中呢款係甘筍蛋糕睇樣係咪已經好吸引?! 我第一眼見到仲諗緊：同事點解拎住條甘筍係咁問人食唔食? 甘筍仔有咩好食? 點知佢黎到我面前，先見到佢下面仲有舊野托住我以為係玩具啦～點知佢同我講係pastry係甜品黎我即時兩眼發青光🤩🤩好鬼吸引囉～出自文華餅房實有一手，以往佢地嘅產品都好少咁得意造型，今次呢條『甘筍』真係出人意表直中我嘅少女心靚到冇朋友！就算近睇都同真嘅甘筍仔冇咩分別囉🤭即時mark番件，拎枝叉督黎試下先一督又入令我驚喜萬分個底嘅carol cake好鬆軟入口軟綿甘香，唔過甜，淡淡嘅甘筍味滲出，好正 咁我又督下條『甘筍』啦～外皮係薄脆嘅白朱古力，加埋入面香純嘅sour cream大愛囉簡直 我真係一路食一路『嘩嘩嘩』咁叫😂😂 食多幾條都完全冇問題呢條『甘筍』盛惠$68真係好得不過因為係節日產品，過左復活節就唔出喇但係又因為今次嘅經驗，令我對文華餅店嘅新產品多左幾分信心，等我期待吓下次佢地嘅節日product先