秋意 (成業工業大廈)

Open Now

Now Closed

發現觀塘工廈餐廳 <秋意> 午晚市都排長龍爆棚，所以一試🧐今晚光顧，都係全場爆滿，怪唔得餐廳要擴張，開多間外賣店 餐廳招牌係豉油雞，睇牆上盞鬼字句就知  好幸運今次嚟食可以點得到，去到第二圍晚市，餐牌上已有部分 items 沽清🙃涼菜拼盤中，雲耳木耳調味好突出，未食落口係估唔到蒜味咁香，越食越過癮🥳 酒釀溏心蛋好有驚喜，酒味配蛋味過癮易入口😋撈汁皮蛋($28)，撈主食最正😆去骨豉油雞真係好抵食，半隻啖啖肉都係 $98 重點係雞味濃，豉油味亦可口，肉嫩彈牙，超高質😍嗌個秘制紅燒肉飯 (餐$83)，紅燒肉嘅質素都係高於預期🤩 肥膏香就基本，竟然肉嘅部分係嫩口兼充滿肉汁，撈飯一流👍🏻一嚐酸菜魚麵 (餐$92)，爽口富魚鮮，湯嘅味道過癮耐吃😇 要大讚魚份量非常多🤪 成塊魚，包括魚皮同魚肉，膠質都好重好爽口好正🤤生薑蜜薑味好鮮，飲落暖身舒服☺️自家製百香果柑桔，好清新，天然好味😇 📌秋意📍成業街19-21號成業工業大廈6樓29室