泰國人海南雞 (Moved) New Location

年初四去左深水步分店，上一次黎已經有D不滿呢間野D服務態度，今次再黎一樣咁衰，落單呢樣冇個樣冇，個侍應講野好似自己祈禱咁細聲，超乞人憎。而且好多檯既紙巾盒入便已經空晒，見到有另一檯既客叫佢比紙巾，佢拎左人地個紙巾盒，將個盒放埋一便就走左去，完全冇跟進，其中有一個男侍應，成個MK仔咁款，成日眼超超咀歪歪，咁唔想做不如唔好做啦。食物方面叫左個泰式什錦撈金邊粉、鹵水鴨金邊粉，前者份量少得可憐，一野可以夾晒，重要冇湯跟，後者鴨肉得丁點兩少塊，鴨皮就大把。而味道亦不見得好，只叫可以入口，同好似兩個字差十萬八千里遠。重要賣成30蚊碗，完全唔飽肚，簡直就係不知所謂。呢間野近年開好多分店，請管理層好好反思食物水準同服務態度，唔係一味淨係識開分店，連最基本既野都唔識。