越之味 (德民街) (Closed)

自從黃埔蔡瀾美食坊冇左間越南野之後，都少食左越南野。上OpenRice搵到呢間越南嘢，諗住試吓。舖頭入邊個阿姐態度奇差，叫左一個生牛肉湯粉，落單之後啱啱問我究竟係叫左生定熟，我都未嚟得切答，阿姐已經話唔可以改。已經整左就話姐，check都未check,就話冇得改。更何況我都冇出聲話要改單！😡跟住叫嘢飲，我諗住叫凍檸茶，阿姐即刻話「越南野邊會有凍檸茶！」。我點知你呢間冇？😡包好外賣後，我問左句「入面係咪已經有餐具？」阿姐即刻用質問嘅語氣同我講「緊係有啦，除非你唔要！」😡唔知阿姐係咪老闆，但用呢個串串貢嘅態度去對待客人，我以後唔會幫襯。Ps. 野食味度一般，D粉好碎。完。