凡高廚房

Open Now

Now Closed

入餐廳前，有兩隻可愛嘅雀仔歡迎我，餐廳內不同角落都有名畫作裝飾，影相都好靚，餐廳有2至4人枱。平時食沙律菜好少有青蘋果片，今次食到感情好清新又爽口，酸酸味道配上黑醋汁，新鮮配搭口感層次豐富。蘑菇餐湯，質感已感到非常之濃厚，入口感到香濃嘅蘑菇香味，小小奶油，濃而不膩，配上一片脆包，又飽足又好味。意式虎蝦蒜片意大利粉意粉清爽，冇油膩感，而且蒜片同乾辣椒，香氣撲鼻，又帶出食慾。虎蝦質感彈牙夠入味。美式牛肉芝士漢堡包配炸薯條芝麻漢堡包焗到脆香，包裹著蕃茄芝士同牛肉，厚切牛肉肉質嫩滑，而且肉汁豐富，一d都唔乾，有蕃茄、芝士食落更唔覺膩。香脆薯角、沙律菜增添滿足感。甜品細細杯嘅奶凍上，放了士多啤梨果jam，甜甜嘅感覺，奶凍質感Q彈，藍莓點綴，奶味香濃不會過甜。