Video
Read full review
2015-10-29
151 views
路過旺角食lunch見到呢間日式餐廳。門口貼晒posters自稱D烏冬好掂咁就諗住試下啦， 點知…中伏了! 入到去得一個打緊手機game嘅侍應同應該係老闆嘅男人係度計緊數。 廚房傳出陣陣打機嘅聲音， 成間鋪感覺勁hea。 坐低睇咗一陣餐牌就點咗個雜錦烏冬。冇加$8蚊轉讚岐烏冬或$10轉稻庭烏冬。 老實講點解要加錢轉靚烏冬，佢唔係標榜自己D烏冬好掂架咩？好快個烏冬就到咗，侍應一掉低就返埋位繼續玩手機game。 先形容下係點上枱嘅。 托盤上有塊小木板而裝著個烏冬嘅一個有手柄嘅鐵鍋就放係個塊木板上面。筷子同匙羹喺托盤到就調轉方向兼放係左面。 鐵鍋柄就棟高咗。 心諗，咁點食呀？頂住喎。推下個鐵柄原來stuck 咗，用咗D力先推得低佢開始食。未食第一口就聞到陣陣”宿”味，心諗。。嘩! 唔係呀嘛咁都得？個烏冬臭咗？! 點知再聞真D原來臭味唔係個烏冬發出嚟，係個托盤+木板+匙羹到散發出嚟嘅。 嘩! 真係難頂! 三件嘢一齊發出呢D味個廚房乾淨極有限啦! 到呢度我已經冇晒胃口兼覺得自己完全中晒伏，決定食幾口走人。 味道方面佢比嘅料都係平野。 炸蝦裏面隻蝦似甜蝦size，個D海苔好硬，好似未煮淋，炸雞有薑
入到去得一個打緊手機game嘅侍應同應該係老闆嘅男人係度計緊數。 廚房傳出陣陣打機嘅聲音， 成間鋪感覺勁hea。
坐低睇咗一陣餐牌就點咗個雜錦烏冬。冇加$8蚊轉讚岐烏冬或$10轉稻庭烏冬。 老實講點解要加錢轉靚烏冬，佢唔係標榜自己D烏冬好掂架咩？
好快個烏冬就到咗，侍應一掉低就返埋位繼續玩手機game。 先形容下係點上枱嘅。 托盤上有塊小木板而裝著個烏冬嘅一個有手柄嘅鐵鍋就放係個塊木板上面。筷子同匙羹喺托盤到就調轉方向兼放係左面。 鐵鍋柄就棟高咗。 心諗，咁點食呀？頂住喎。推下個鐵柄原來stuck 咗，用咗D力先推得低佢開始食。
未食第一口就聞到陣陣”宿”味，心諗。。嘩! 唔係呀嘛咁都得？個烏冬臭咗？! 點知再聞真D原來臭味唔係個烏冬發出嚟，係個托盤+木板+匙羹到散發出嚟嘅。 嘩! 真係難頂! 三件嘢一齊發出呢D味個廚房乾淨極有限啦! 到呢度我已經冇晒胃口兼覺得自己完全中晒伏，決定食幾口走人。
味道方面佢比嘅料都係平野。 炸蝦裏面隻蝦似甜蝦size，個D海苔好硬，好似未煮淋，炸雞有薑味同好咸，似係隔夜送，個烏冬麵嘅質素同超市買cheap cheap牌子烏冬相約。
好後悔冇搵間茶餐廳食晏。。。。
PS， 我未見識過一間餐廳有咁多要“小費”嘅rules貼出來。切餅費，開瓶費，帶外來嘢食要小費，最低消費 等等。。。老闆係咪好等錢使
Post
