Video
Read full review
2022-08-26
301 views
首先，係食物方面：（平均3.5分）🌟🌟🌟1.蜜糖芝士粉炸雞味道唔錯，值得叫🤤（4/5分）2.魚介湯鍋嘅湯底好味，不過魚糕稍微有d淡，我同D fd都覺得有D淡，想點醬，但冇提供醬，所以我地就點左煎餅個碟醬🙈（3.5/5分）3.蛋卷一上嚟個下，我心惗：點解好似比menu果個睇落短咁多嘅？😳味道都係比較淡，咬到粒粒蟹子，但味道唔出，如果好想試嘅朋友仔都可以試下，但我個人下次再食就應該唔會再叫尼個餸😂（2.5/5分）4.飲品方面就……見menu寫「牛奶梳打」，我expect係有個杯裝住個種，但點知一攞上嚟個下，係lotte嘅罐裝牛奶忌廉😐嗯……點講好呢？價錢比佢原價貴幾倍都唔係一個大問題，畢竟去餐廳食就一定會比係出面買貴，但個名寫「牛奶梳打」，又冇標明係罐裝，真係有種好似比人呃左嘅感覺😢(其他食物就正常水準，冇咩太大感受我就唔寫啦🤣)其次，係環境方面：（平均4分）🌟🌟🌟🌟眼見都算乾淨，有提供紙巾、手套可以用，而且有個掣畀客人㩒，落單、埋單時都比較方便🤣最後，係服務態度方面：（平均1分，最盡了……）🤮🤮🤮🌟尼part係令我地最失望嘅地方😞😞😞有幾位員工嘅態度真係超級唔nice，例如：1.係落or
1.蜜糖芝士粉炸雞味道唔錯，值得叫🤤（4/5分）
2.魚介湯鍋嘅湯底好味，不過魚糕稍微有d淡，我同D fd都覺得有D淡，想點醬，但冇提供醬，所以我地就點左煎餅個碟醬🙈（3.5/5分）
3.蛋卷一上嚟個下，我心惗：點解好似比menu果個睇落短咁多嘅？😳味道都係比較淡，咬到粒粒蟹子，但味道唔出，如果好想試嘅朋友仔都可以試下，但我個人下次再食就應該唔會再叫尼個餸😂（2.5/5分）
4.飲品方面就……見menu寫「牛奶梳打」，我expect係有個杯裝住個種，但點知一攞上嚟個下，係lotte嘅罐裝牛奶忌廉😐嗯……點講好呢？價錢比佢原價貴幾倍都唔係一個大問題，畢竟去餐廳食就一定會比係出面買貴，但個名寫「牛奶梳打」，又冇標明係罐裝，真係有種好似比人呃左嘅感覺😢
(其他食物就正常水準，冇咩太大感受我就唔寫啦🤣)
其次，係環境方面：（平均4分）🌟🌟🌟🌟
眼見都算乾淨，有提供紙巾、手套可以用，而且有個掣畀客人㩒，落單、埋單時都比較方便🤣
最後，係服務態度方面：（平均1分，最盡了……）🤮🤮🤮🌟
尼part係令我地最失望嘅地方😞😞😞
有幾位員工嘅態度真係超級唔nice，例如：
1.係落order時，我地點湯鍋個陣，員工問我地要咩面，我地個下冇留意menu寫左（烏冬/辛拉麵），於是我地就問有咩面揀，個員工用唔係幾友善嘅眼神望一望我地，然後唔答我地，好彩我地之後發現到menu有寫，就同佢講番要烏冬😐
2.攞食物嚟個時，個員工係近走廊嘅位置set好個爐，然後將包烏冬向最入（近窗）嘅位置一拋，拋中我地嘅碗邊，然後我地嘅碗同叉都撞跌曬，果位員工有講sorry，但feel到係應付下個種，講完就走，我地都冇出聲，自己執番，但覺得其實可以就咁放低，或者畀我地自己放，而唔係好似射籃咁拋……🏀😟
3.最後，員工送食物嚟，攞左碟我地冇叫嘅食物
我地：「我地冇喊尼個」
員工望一望：「你地喊左咩？」
我地就將喊左嘅食物重新講一次，對一對，然後個員工聽完冇任何回應，就咁走左……(我地全程都冇怪責，係用客氣嘅語氣同個位員工講野😥)
其實我地要求唔高，個位員工就咁回應我地一句：「我去check下」都好，完全聽完，理都唔理咁攞走碟食物行開，令我地覺得好似係我地做錯，畀你發緊脾氣嘅感覺🤢
蜜味芝士粉炸雞
$168
13 views
0 likes
0 comments
韓式海鮮煎餅
$118
17 views
0 likes
0 comments
醬油魚介湯鍋
$208
33 views
0 likes
0 comments
芝士蟹子蛋卷
$118
10 views
0 likes
0 comments
Post
