莆田 (利舞臺廣場)

Open Now

Now Closed

捉緊大閘蟹的尾巴，叫左個餐過下癮。有得揀大閘蟹煮法係正，熟醉酒香甜同蟹味膏味好夾，更鮮，而且會送杯薑茶。前菜有荀片同紫菜。炸紫菜比酸醋紫菜更香濃紫菜味，但後者又好開胃，都好食嘅。個餐仲包括蟹肉紫菜豆腐羹、平安麵/滷麵/炒米粉、黃金荷葉包同糖水。粉米粉夠爽身多料，有蟶子肉、蜆、腩肉、蝦等等；荷葉包係炸起嘅包，可以夾肉絲一齊食。至於糖水，係一般糖水店食唔到嘅紅棗花生湯，兩種味道帶少少甜，有咬口，唔錯。八卦望下，門口貼住9年米之連推介，唔知係咪因為咁，覺得服務比其他分店好。