Video
Read full review
2010-07-18
90 views
侍應+女紅衫侍應既氣...想不到新店既伙店態度居然比老店差？?????問一下女黑衫侍應..金銀炒桂魚..中的「金銀」是什麼..居然答我「咪就係炒架囉」態度仲要好差..同事叫女紅衫侍應加水…「加水就打開la」...反而場中既紅衫男侍應態度就好好多...當我發現這裡餐牌中沒有紫薑彭公鵝 同 釀鯪魚 , 佢唔點止有禮回答要訂還走到老遠取一張需預訂既菜單俾我這裡既男女侍應既服務態度差太遠..一班人七嘴八舌中...終於都有美食上枱瑤柱雜菜煲- 最初見到雜菜只有白菜+西洋菜好失睇..仲以為瑤柱只有一量放係面到既幾絲, 點知...當大家多夾多著下..見到還有大量既瑤柱, 而瑤柱+高湯令到平風既雜菜提升不少既鮮味..最底既粉絲更加吸盡精華.肉鬆生菜包- 手工菜式...肉鬆+松子炒得乾身..裡面既肉應該是鵪春肉+豬肉...沒有北角既鵪春鬆生菜包來得惹味.. 但是相比其他酒家已算是出色家鄉煎藕餅-藕餅中, 鯪魚肉為主，夾有芋蓉的香與蓮藕的清爽, 吃到中間有頗多的藕粒可惜吃下沒有濃濃的藕味, 這個季節蓮藕係當造期...不應如此大良炒鮮奶- 若果沒有估錯, 應該係用左”忌廉”代替水牛奶 ,炒起有一種軟綿綿但
以前佢地每個人走我都點唔捨得佢地…
最後自己也離了~
記得我第一次係e間公司同其他人出去食飯就係北角既鳳城酒家
其後每次有同事離開就會一班人去飲茶送別佢...
現在鳳城越開越多... 心裡總有一點情意結想試試新店是否與北角既一樣..
一行8人選擇了太子鳳城
炎炎夏日下..沒有叫套餐..散叫了一些菜式...
菜式都未食到…就食左女黑衫侍應+女紅衫侍應既氣...想不到新店既伙店態度居然比老店差？?????
問一下女黑衫侍應..金銀炒桂魚..中的「金銀」是什麼..居然答我「咪就係炒架囉」態度仲要好差..
同事叫女紅衫侍應加水…「加水就打開la」...
反而場中既紅衫男侍應態度就好好多...當我發現這裡餐牌中沒有紫薑彭公鵝 同 釀鯪魚 , 佢唔點止有禮回答要訂
還走到老遠取一張需預訂既菜單俾我
這裡既男女侍應既服務態度差太遠..
一班人七嘴八舌中...終於都有美食上枱
瑤柱雜菜煲- 最初見到雜菜只有白菜+西洋菜好失睇..仲以為瑤柱只有一量放係面到既幾絲, 點知...當大家多夾多著下..見到還有大量既瑤柱, 而瑤柱+高湯令到平風既雜菜提升不少既鮮味..最底既粉絲更加吸盡精華.
肉鬆生菜包- 手工菜式...肉鬆+松子炒得乾身..裡面既肉應該是鵪春肉+豬肉...沒有北角既鵪春鬆生菜包來得惹味.. 但是相比其他酒家已算是出色
家鄉煎藕餅-藕餅中, 鯪魚肉為主，夾有芋蓉的香與蓮藕的清爽, 吃到中間有頗多的藕粒可惜吃下沒有濃濃的藕味, 這個季節蓮藕係當造期...不應如此
大良炒鮮奶- 若果沒有估錯, 應該係用左”忌廉”代替水牛奶 ,炒起有一種軟綿綿但係”杰身”的感覺, 加上松子同金華火腿絲..既咸香..雖然沒有用上水牛奶, 缺了一點獨有的奶香但已算不錯
炸子雞- 因為舊同事中, 有雞精既存在..才叫.. 個人而言, 皮脆是做到的, 但是用上冰鮮白雞而不是黃油雞, 肉質沒有嚼勁..沒有雞既香味.. 正所謂食雞係要有點雞味既..(唔知點解隻雞對眼.. 唔係合上既..仲要瞪大眼.. 我食左一件都唔多想食..又唔係我食你最多, 點解要瞧著我><)
金銀炒桂魚- 這個超香.. 餸未放到枱上也嗅到其香..桂魚炒得好, 沒有過火, 咬口鮮爽, 泡油時間也沒有過長...而魚頭同魚尾都炸過...見同事食得津津有味..配合勝瓜同炒合時美味..超讚~
大良牛乳粥- 雖然米香無法跟鰂魚涌街巿政大廈既粥舖比美..但其那片咸牛乳..卻有起死回生之用.. 奶香+咸香再加上其粥底夠綿..都算不錯
蓮蓉西米布甸 - 用上白蓮蓉.. 相信當中既白蓮蓉是來貨的..味道像榮華月餅的一樣香而細膩.. 口感香滑, 金黃色的表層加上些微燒焦..係一個完美既句號~ (但係有1-2位同事認為過甜)
可以與良朋相聚..仲有如此佳餚...人生理應如此..
Post
