12
6
9
Level2
11
0
仲有進步空間既上海檔
2018-08-30 308 views
平日十二點，天落住大雨，筆者無帶遮係街就嗱嗱臨入呢間上海檔避雨兼搵食。入到去餐廳唔多人，難得可以唔洗逼慢慢食等停雨。筆者少諗就單點左碗排骨麵食，唔使十分鐘就上到。食麵例牌先試試個湯底，聞起上黎有啲似福麵湯包既氣味，飲左啖發覺無咩特別，純粹係有啲咸味既上湯。再試左幾口上海麵底，麵係偏粗既，食落去質地同味道都好似屋企煮既噹噹日式烏冬咁，問過如果麵底揀上海粗麵既話會係烏龍麵既粗度。最後就係排骨喇，佢其實係一碟切開左既炸豬柳，炸起既色澤都唔錯，可惜食落仲有少少柴口。其實餐廳既環境都唔錯，裝修有番咁上下格調，喇叭播住譚詠麟演唱會，聽住愛在深秋，望住出面既滂沱大雨，都叫做可以做一個放鬆下自已既午餐。食完埋單坐左陣都仲落緊雨...
Read full review
平日十二點，天落住大雨，筆者無帶遮係街就嗱嗱臨入呢間上海檔避雨兼搵食。入到去餐廳唔多人，難得可以唔洗逼慢慢食等停雨。
上海排骨麵
$43
59 views
0 likes
0 comments
筆者少諗就單點左碗排骨麵食，唔使十分鐘就上到。食麵例牌先試試個湯底，聞起上黎有啲似福麵湯包既氣味，飲左啖發覺無咩特別，純粹係有啲咸味既上湯。再試左幾口上海麵底，麵係偏粗既，食落去質地同味道都好似屋企煮既噹噹日式烏冬咁，問過如果麵底揀上海粗麵既話會係烏龍麵既粗度。最後就係排骨喇，佢其實係一碟切開左既炸豬柳，炸起既色澤都唔錯，可惜食落仲有少少柴口。


其實餐廳既環境都唔錯，裝修有番咁上下格調，喇叭播住譚詠麟演唱會，聽住愛在深秋，望住出面既滂沱大雨，都叫做可以做一個放鬆下自已既午餐。


食完埋單坐左陣都仲落緊雨...

(The above review is the personal opinion of a user which does not represent OpenRice's point of view.)
  • Recommend
    Recommended
  • Report
Post
DETAILED RATING
Taste
Decor
Service
Hygiene
Value
Date of Visit
2018-08-30
Dining Method
Dine In
Spending Per Head
$43 (Lunch)