滿小館

Open Now

Now Closed

今年揀咗間中餐館同老公慶祝生日😆，食完行下海傍拍下拖。第一次食「滿小館」，環境寬敞舒適，拍拖、做節、商務聚餐都啱。🌟香煎墨魚餅墨魚餅炸得金黃，只係估唔到係炸魚片嘅外型。味道鮮甜彈牙，加埋黑松露沙律醬味道更豐富。🌟沙茶花膠牛仔肉牛仔肉嫩同埋冇筋，加埋爽滑嘅花膠絲，你可以當佢係用料好靚嘅沙嗲牛肉🤣。味道比較濃，但配白飯就啱啱好。🌟椰香鮮芒脆蝦球巨型蝦球經過油炸，香口得嚟肉質爽彈。芒果淋醬出奇地口味清新，再加埋椰絲，係大人細路都鐘意嘅口味😚。🌟砂鍋鮑魚雞粒炆飯飯汁索晒汁，出奇地鮮甜。雞粒好大塊，鮑魚粒份量都唔少😌。🌟薑汁棗皇糕薑味濃郁，棗味清甜，甜度比想像中低。煙煙韌韌嘅口感超級正😍。