Video
Read full review
2024-01-07
604 views
呢間日式燒肉店與其話係燒肉店，比較似肉店，佢哋原件日本和牛拎返嚟，再由師傅進行切割，仲要拎到鹿兒島和牛嘅認證，品質有保證！餐廳入面環境闊落，全部都係卡位設計，張枱夠大，叫多幾款肉都可以放得晒！出面有一個自助區，嘢飲、醬料同甜品都可以喺出面拎，但款式唔算太多，都係主攻佢嘅牛肉啦！🤩-——————————————❤️🔥◖D餐日本黒毛和牛6 款◗ $478有多達132款品項，可以任食120分鐘，有唔同國家嘅和牛，日本、澳洲、美國都有，套餐包咗4個頭盤，有黑毛和牛4款、海鮮3款、是日黑毛和牛精選，唔同牛肉都可以試一試先！/肉類🥩嚟呢間真係瘋狂叫肉食！佢有日本和牛，都有來自澳洲、美國嘅精選牛，質素都唔錯！日本和牛佈滿雪花，肉嘅紋路好靚，而且好新鮮，食落口牛味超濃，一啲都唔韌，但建議食返啲瘦嘅部位，唔係好容易就會膩！啲肉燒到微微焦脆，點寫日式燒汁，超好食！除咗牛肉，仲有啲日本豚肉同雞肉，款式都幾多！另外仲有啲生牛肉料理同壽司，幾鮮食落唔會腥，都值得一試！/海鮮🦑呢個套餐包咗一個海鮮頭盤，入面有大大隻魷魚、虎蝦、青口。先將檸檬唧喺魷魚上面，燒到咁上下再搽啲燒汁，燒出嚟又香又脆口，酸酸地又甜甜地，幾過
-——————————————
❤️🔥◖D餐日本黒毛和牛6 款◗ $478
有多達132款品項，可以任食120分鐘，有唔同國家嘅和牛，日本、澳洲、美國都有，套餐包咗4個頭盤，有黑毛和牛4款、海鮮3款、是日黑毛和牛精選，唔同牛肉都可以試一試先！
/肉類🥩
嚟呢間真係瘋狂叫肉食！佢有日本和牛，都有來自澳洲、美國嘅精選牛，質素都唔錯！日本和牛佈滿雪花，肉嘅紋路好靚，而且好新鮮，食落口牛味超濃，一啲都唔韌，但建議食返啲瘦嘅部位，唔係好容易就會膩！啲肉燒到微微焦脆，點寫日式燒汁，超好食！
除咗牛肉，仲有啲日本豚肉同雞肉，款式都幾多！另外仲有啲生牛肉料理同壽司，幾鮮食落唔會腥，都值得一試！
/海鮮🦑
呢個套餐包咗一個海鮮頭盤，入面有大大隻魷魚、虎蝦、青口。先將檸檬唧喺魷魚上面，燒到咁上下再搽啲燒汁，燒出嚟又香又脆口，酸酸地又甜甜地，幾過癮！另外仲有其他款式嘅海鮮可以任叫，覺得佢嘅廣島蠔同帆立貝質素唔錯，幾鮮甜彈牙！
/主食🍜
佢有好多粉、麵、飯類可以選擇，有啲韓式冷麵同半熟蛋牛肉丼飯，有啲大大碗而且啲料都幾多，上面有幾片燒牛肉，質素一啲都冇Hea！
/一品料理🍘
有啲沙律、炸物、漢堡扒、手卷可以揀，推介佢個可樂餅、吉列炸蠔，呢兩款炸得好香脆，食落又唔會好油！
/甜品🍦
自助區有雪糕、雪條同自家製嘅蛋糕仔，款式唔算太多，但啲雪條都係明治，口味相對比較特別，都可以一試！
/飲品🥤
飲品喺出面自助區自取，有罐裝嘅飲品，亦都有咖啡機，都可以自己沖茶包，解一解滯！
🌟Encore指數：8.5/10
Post
