瀛豐放題料理專門店 (Moved) New Location

朋友食過話呢間放題好食，最近仲可以食埋大閘蟹，知我鍾意食蟹就話同我去食，當然試吓啦 我地坐低之後就可以用qr code落單，刺身類可以散叫或揀預設拼盤set，拼盤每款都有3-4片，有成10款，刺身都幾新鮮 海膽帶子，呢款係升級食品要加錢先食到，賣相好吸引，海膽份量都好多，勁邪惡，食幾粒都回本 生蠔，呢款同樣係升級食品，呢度嘅生蠔入口完全唔腥，幾新鮮，味道鮮甜 大閘蟹，每隻約三兩半到四兩，即叫即蒸，打開都有膏，味道甘香 仲有其他款式食品，如泰式食品、燒物、炸物、壽司卷物、涼菜小食等，都幾多選擇，另外甜品、飲品及雪條可以係自助區取