菜菜鍋 (康怡廣場) (Closed)

一行四人吹水晚餐當然最適合打邊爐🤩唔想排牛大人排到嘔，近近地康怡廣場都有個90分鐘任食火鍋，仲可以揀一人一鍋tim 😻😻湯底有6款揀，每人可以揀兩款，fit晒我哋想試多啲湯底既心理我揀左香辣鍋同蕃茄鍋。香辣鍋只係一開始食到小辣，後尾就完全唔辣啦。不過可以係醬料區自己加幾多辣椒都得🤪 蕃茄湯配埋係配料區拎既新鮮蕃茄落去一齊滾，會愈滾愈濃蕃茄味肉類：叫第二平既牛肉餐，肉質唔錯有牛味冇太多脂肪👍🏻仲有豬肉都推介！醬料區： 醬料選擇多，一啲都唔馬虎，而且仲有啲日式醬料揀。配料區：蔬菜選擇多，而且有雞肉揀，不過refill得有啲慢。同場仲有飯、公仔麵、烏冬、糖水，果汁、梳打水、熱茶咖啡任飲軟雪糕都有，不過朋友話一般，所以我冇試。服務態度都好好，職員好熱心！