一鍋堂 (XX Arcade) (Closed)

天氣轉涼, 打邊爐最適合不過, 約左好朋友食飯, 大家都贊成打邊爐, 朋友推薦 , 佢食過大讚高質素, 味道好。記得一定要訂位, 因為晚晚都滿座。原來有幾間分店, 我地揀左旺角。餐廳好易搵, 波鞋街行到尾, 轉左邊就會見到招牌。我地食7點的時間, 正正最繁忙時段, 好彩有訂位, 否則有排等呀 !餐廳佔全層, 坐位算寬廣, 地方乾淨。我地揀左B餐 $238一位, 湯底有十幾款揀, 但見到有特別湯底 – 金寶湯, 有兩款比你揀 (忌廉周打蜆湯 及 蕃茄牛尾湯), 我地選擇了 。入座有120分鐘任食, 而且馬上用QR CODE落單, 第一轉一定係揀安格斯牛肉, 封門柳,牛脷心托, 牛皮腱。當然唔少得豬肉及羊肉。落單後就可以去拎飲品, 丸類, 熱食。飲品選擇多, 最特別有自家製花果茶, 當晚有 : 冰糖燉檸檬, 蝶豆花茶, 薄荷烏龍茶。我揀了冰糖燉檸檬, 味道帶微酸, 易入口。仲有雪糕及布丁, 食物種類好多。啤酒可以另叫, 價錢又唔算貴。另外, 黃金炸魚皮亦係勁多人排隊拎, 魚皮本身配打邊爐已好正, 加埋有鹹蛋喎, 點忍到口呢拎埋丸類,飲品返到位已經黎左湯及食物, 食物上菜速度快, 而且乾淨。