羊城火鍋海鮮酒家 (Closed)

呢一日唔知點解同個同學黎呢度打邊爐，我上一次黎呢間都好耐之前既事。個同學話任食火鍋只係七十五蚊，好多野食。咁就試下啦，其實間酒家都幾大，坐得幾舒服。食物都算幾多，我覺得鮮蝦好生猛新鮮，鮮甜美味。而牛肉都唔錯既，不過我覺得肥瘦唔係太均勻。豆腐卜就唔錯，浸落個湯到真係好好食。黑椒牛丸既黑椒味好重，牛丸又幾好食，唔會太韌。而芝士丸就無乜特別，係普通街市既貨色。講一講湯底，個沙嗲湯底好濃味。而清湯就無乜特別啦。其他食物都係咁上下，無乜特別。飲品都係有豆漿同竹蔗水。竹蔗水唔錯既，唔算太甜又解渴。服務都唔錯既，服務員好快幫你收吉碟。加水都加得好頻密，下次都可以再黎既。