羊城火鍋海鮮酒家 (Closed)

舊式酒樓已不多, 好在在天水圍有一間!  好喜歡點心車和點心大排當, 它們令我回到童年!!!! 這種酒樓是陪我長大的地方!!!  羊城的點心的味道和質素真的不算高級, 但擁有一種本土的點心味道和情懷!!!  我推介蝦餃, 皮薄和用料足, 大大隻又好味, 一籠仲有四隻, 很滿意和滿足!!!!小龍包也很正!!!  皮薄多汁, 肉也很滑!   下次我要食多D! 叉燒包, 牛肉球,和腸粉也不錯!!! 足料, 咸味適當, 又熱辣辣!  腸粉的皮有少許厚, 但滑口!!甜品有雪"甲"焞椰皇!!!  超滑和有清香的椰子味, 甜度又適中!!!  食完想再食呢!!!價錢不算貴和服務都一樣ok!!!!我推介這間酒樓!

入到天水圍銀座辦點事，辦好時經已是三點四十分了，有點餓又不想吃快餐店，來到羊城酒樓問下侍應仲有茶飲，佢答話可以坐但沒什麼點心了……算，都黎左飲啖茶都好。叫左幾樣野，唔知係咪無乜人落order，炒粉麵同蒸點都係即到。雷沙煎堆仔，過氣了，很硬而且只吃到油益味。菜軟牛肉炒麵，好味，麵煎得很香口，牛肉鬆諗，賣相亦不錯。雪菜肉絲炆米，米粉吸了雪菜水很入味，還保持硬身，有鑊氣，食到底略鹹。小籠包，皮薄多汁，係羊城出名之作，加埋醋同薑一齊食，一流。甜品桂花椰汁糕，兩種野擺埋一齊又ok喎，有桂花香又有椰汁味，幾好食。食物是有水準的，但侍應態度懶散，問野又唔答，算啦，都唔期望有咩服務。

人人一諗起天水圍，都會即刻聯想到「悲情城市」呢個label。其實今時今日香港通脹咁勁、深層次矛盾又多，區區老百姓生活唔多唔少都係悲情o架喇。不過如果以「民以食為天」呢個標準嚟計，天水圍的確超級悲情，事關就算肯花錢，都冇好嘢你食；求其數幾間(已經唔叫得做好嘅)連鎖食肆，burger king、扒皇、牛陣、翠華、元氣、味千、富臨漁港、鴻星、意粉屋...通通都冇，呢啲咁平民級數嘅食肆，東涌、將軍澳、大埔、上水、馬鞍山區區都有，偏偏天水圍就係連一間似樣小小嘅都冇。全區最好嘅酒樓得間「美心」、西餐最高級嘅係「椰林閣」，想搵間連鎖壽司舖咩? 得「元綠」，真係問你死未!所以如果有人問「有錢係咪大晒」，我真係可以好肯定咁答一句，響天水圍，「有錢真係唔係大晒o架老細」。咁冇錢又得唔得呢? 咁又真係唔得，天水圍區內消費相比市區「只有更貴、沒有最貴」，望下市中心嘉湖銀座『羊城』嘅點心價錢牌，完全唔係新市鎮應有嘅價錢。奧運站成萬蚊呎樓嘅住客同住嘉湖三四千蚊呎樓嘅住客，落屋企樓下飲餐茶消費水平竟然一樣，你話唔悲情就假嘅。不過無計，貴都要幫襯，因為區內真係無乜競爭，所以區內食肆先可以又收得貴，又咁唔長進。「羊城」

又黎我最鍾意既邊爐夜, 食到好飽呀.其實都有好多野食, 唔夠既話加錢另嗌野食都仲得, 不過我覺得唔駛加都夠哂飽勒. 混醬: 乜都加D落鼓油度,如果有辣油更好呢飲品: 有酸梅湯,竹蔗水,豆漿,汽水等唔駛加錢任飲生串蝦: 好新鮮, D蝦肉又爽又堅實, 好味, ENCORE左兩次(最可惜係每次都係跟人頭送蝦黎, 每人兩隻, 如果可以一次叫一打就好勒..)美國肥牛: 質數有D參差, 有D好肥, 有碟又OK瘦囉丸類: 嗌左蟹子丸黑椒牛丸福洲貢丸芝心丸, 質數OK啦.三鮮水餃: 幾好炸魚皮: 脆卜卜好好味本地滑牛: 我覺得好味過肥牛BOR, 幾滑又夠味水魷魚: 好爽口芝士腸: 街貨貨色肥鵝腸: 唔係肥不過好爽口呢龍崗雞片: 幾好味, 雞都OK滑口豆腐卜: 兩個人份量俾左一大兜...不過打邊爐食豆卜真係好正菜類: 嗌左生菜同莧菜, 食左咁多肉要食返D菜既.$108星期六晚價錢仲已經全包(平日一至四$98), 真真正正$108任飲任食埋單食到肚仔漲漲走人.

雖然我同男友仔都仲算年輕 但係有時都鍾意去茶樓食下點心 去親都係黎呢間每次黎都必叫蝦餃, 因為小妹實在太鍾意食蝦餃!! 呢間d蝦餃大大粒又好食第2會叫小籠包 因為男友仔鍾意食, 佢d小籠包都好多汁 而且唔會穿再第3就係會叫 佢既 招牌 灌湯餃, 裡面料多又夠包! 每次都叫成7,8樣 落樓每人都只係100蚊左右! 物超所值又夠包 環境又夠舒服

每星期也會找一天到這裡吃午飯，味道不錯，價錢合理。先由一至星期五的午市優惠點心開始介紹吧。1. 叉燒飯 - 每次也必點的，喜歡那些叉燒夠腍，不過略縑飯的汁料不夠，次次也要出去斟豉油。2. 燒賣 - 夠熱，而且有蝦、冬菇的。3. 牛肉球 - 夠熱，牛肉嫩滑、馬蹄爽脆。4. 點心併盤 - 蝦餃、燒賣、叉燒包、粉果、韭菜鮮蝦餃各一件。 5. 蘿蔔糕 - 我通常會出去大排檔自取的，趁它剛剛煎好、熱辣辣的那一刻，又香又脆，伴上甜醬，一流！6. 流沙麻蓉包 - 一送來馬上吃，跟本是半凝固狀，超失望啊！有一次我為了省錢，於11:25am早市優惠時段一次過下單，點心一次過就全都送來了，但心灰的是，不能慢慢品嚐熱辣辣的點心之餘，店員說電腦顯示11:30am才入單，所以是收我午市正價的。

之前黎親呢間酒樓都係只係黎打邊爐,可以揀ge食物相比起喺朗屏食開嗰間可以話食少,但勝在夠新鮮,仲有一種你去其他酒樓任食佢唔會有得提供,平時自己喺街市見到都會覺得價錢唔平ge菜,佢地都有得任叫,呢一種菜叫---茼萵,係小妹同愛人最愛的菜之一^^但今次唔係想打打邊爐ge食評,而係難得一次飲午茶食評同媽媽細佬妹等人到些茶樓飲茶,一直都有聽聞佢地ge麻蓉包係有幾咁好食的,緊係要試試啦~ 叫左一籠結果食左一個就佛手了... 原因係不太熱同埋我係睇到其他人讚佢似流沙先叫的,點知.... 好失望呀>.< 依加係唔係去邊度飲茶食蝦餃都唔會食到有筍絲架啦? 小妹好失望呀.... 喺呢度飲茶叫左蝦餃,冇筍絲皮又厚>.<然後細妹去左拎一碟炸尤魚蘇,呢個好好味,拎返黎仲係熱的,食落好爽架!!

個日同成班同學同埋老師聚舊 . 班同學就簡左羊城打邊爐 . 去到8點左右 成間野都好full . 我地又冇book 位 . 就得返近洗手間附近個d邊邊位 . 個帶位牙經態度好差咁問我地要唔要 唔要就算 但因為成班人 又諗住都住普通食下飯 冇咩所謂就要左 . 坐落睇下張點菜紙 選擇比預期中多 其中仲有生蠔 . (都唔細粒的 ) . 肥牛,鮮牛 ,雞件等都幾新鮮 . 湯底都夠味 . 野飲方面也都有汽水任飲 . 黎野也算快 , 冇點漏單 埋單每人$88 唔洗加1 .整體黎講野食方面都算新鮮 也多選擇 .環境同服務就真係差d喇 抵食方面又真係算幾抵ga .

之前嚟羊城打邊爐, 見 d 侍應攞住隻片皮鴨行來行去, 被佢 d 美色吸引左今日專程來食片皮鴨 $68Oh my god.....為何係非洲片皮鴨, 咁黑嘅, 又細碟 d 蔥變左青瓜 甜醬加左大量油 加左 $20 要加二食銀芽炒鴨絲Oh NOOOOOOOO 苟菜+少量芽菜+幾條鴨絲 叫左二個小菜薑蔥蠔蔥只是用平用炒餸的小蔥, 蠔又細粒又粉中式牛柳追左三次才上抬...呢間酒樓真係不知所謂

本來想食附近嘅餐廳,但太多人等,所以嚟咗呢度,估唔到$98全包,仲有嘢飲,罐裝汽水,夏枯草,竹庶水,而食物都ok,有我鐘意嘅鯇魚片,魚雲等,星期日晚咁嘅價錢,都ok!

之前曾經惠顧過幾次，今次一行四人再去惠顧。湯底是鴛鴦湯底，吃了以下食物，覺得普通，無特別：－肉眼根、龍崗雞片、生蠔、炸魚皮、肥牛、芝士腸、芝心丸、金錢展、冬瓜片、豆腐、津白、粟米、唐生菜、蝦飲品方面，罐裝汽水選擇服務：-普通，無特別環境：-普通酒樓裝修特別之處：-無限時間，可以慢慢食，店員又不會趕客，好

久違左一年，再次入去羊城食飯。不過今次唔係打邊爐，而係食小菜。點都好，未試過佢小菜，今次終於可以試下啦。我地班同學好醒目，早入黎就唔使等位。炒四季豆呢個就普通啦，我覺得就淡左小小。不過四季豆好新鮮，算ok啦。椒鹽豆腐呢個好食呀，個豆腐係炸過黎，所以係特別香既。而且用椒鹽點黎食，個味道就更好啦。中式牛柳呢個唔係唔好食既，只係覺得個牛柳汁鹹左小小。但個汁用黎送飯就好，而個牛柳都幾好食，唔會太韌。都算唔錯啦。西檸雞味道還算不俗，個檸檬汁好酸。真係好開胃，而個雞都唔錯。肉唔算太鞋，都唔算太差既。粟米班塊個汁好稠，咁樣先似粟米班塊。個份量都幾多，班塊都幾好味。同個汁好夾。咕嚕肉又係另一道比較酸既菜式，個肉就韌左小小。不過個汁送飯真係一流架。椒鹽鮮魷呢個都算不賴，新鮮炸起真係勁好食。而且個粉唔厚，食到啖啖魷魚肉，真係無叫錯架。沙薑雞呢個無乜點食，但同學都話味道唔錯，好有雞味。其實今次都唔係好貴，因為呀sir有津貼。所以一人都係50幾蚊到，真係好抵食。

琴日去到天水圍銀座，因為落緊黑雨，所以同女朋友一齊係商場食火鍋等無咁大雨先走lee間火鍋真係好好食~~d野好新鮮。允其係肥牛，龍崗雞件，同埋生串蝦，lee3樣野特別好食~~仲要埋單都係$78 (包野飲)真係食多幾次都抵

認真的看.天水圍呢個地方好少有口碑的食店...同地方無關.有時平價食物都會有口碑,希望天水圍呢個地方...有一天會有一間出名的食店...當天來呢間酒樓.人物..我...我媽媽...媽媽朋友三人.....最初點菜我想食粥....點知沒有.店員不是行埋我張枱講我知.至少隔3個位...望都無望我...講一句....無粥啦!!服務好唔好...大家判斷....相...我影得一般....現在開始...介紹食物.....炸多春魚...炸粉落得勁多,食落去的感覺像很大塊皮包住條魚.問題係炸的食物應該係熱同香口....但我食落去只有種放左好耐...冷冰冰的感覺....芒果布甸.可笑的...係一粒芒果都找唔到...只係用芒果粉做的.....紅豆榚...唔錯...紅豆份量都多.不會太甜同硬...合格...叉燒雞飯...難食,叉燒燒到又黑又硬...雞無味...飯凍到無煲過.....硬到咬唔到...街邊8元盒的仲好食....價錢110元都唔係太平....但係呢個質素就有點差...

昨天係爺爺壽宴不過我缺席左但我已經落左order話{我要食壽包!!}因每一次食到最尾就算幾飽都會食兩三隻壽包今年有新味奶黃壽包平時都冇食過佢d奶黃~~今日第一次奶黃唔係流沙但好滑好有椰汁香仲有半粒起晒沙既咸蛋黃好甘香個包同餡既比例相當好有時太薄仲難食d包可以一層層撕開證明有豬油所以好鬆軟雖然唔算話比其他酒家更好食但算是天水圍+元朗排名幾高蓮蓉壽包最期待呢個反而有d退步蓮蓉係炒得好靚睇圖都睇到但味道怪怪地蓮蓉味唔突出而且咸蛋黃唔起沙又冇味另外因要分辨到奶黃包同蓮蓉所以奶黃係有張包裹紙而蓮蓉就冇要蓮蓉包冇底紙而唔痴底結論係個包既質地比奶黃硬一點包有明顯氣孔同皮有d韌一層層既效果都欠奉~~~