夏麵館 (寶石大廈) (Closed)

除左去酒樓食飯食中餐 上海菜都係我既心水 尤其係擔擔麵🧛‍♂️ 無論去邊一間上海菜館我都會叫黎食🧞‍♂️荃灣間夏麵館就未食過 知道佢做優惠有個甜品放題🧛‍♂️ 超抵食咁 今晚就同屋企人一齊去食🧚‍♂️+$20就有甜品同燻蛋任食放題 基本上食一隻燻蛋同一碗糖水每個人都已經回本🧚‍♂️ 燻蛋幾溏心 不過就咸咗少少 美極有啲重手 口空食就濃味左啲 配麵或者飯會好啲🧜‍♂️ 擔擔麵估唔到係咁大碗 唔止個碗大 麵嘅份量都比出邊多好多 三個人食都夠🧛‍♂️ 麵好彈牙 麻醬味幾香 如果加埋啲花生碎仲正🧚‍♂️韭黃炒鱔絲炒得好夠鑊氣🧞‍♂️ 鱔絲肥嘟嘟 肉質比較實肉 配埋韭黃食好味上湯浸菜心 食返啲菜健康啲 唔使全部上海菜都咁濃味咁油膩呀嘛🧚‍♂️話明食甜品放題 梗係要叫好多款甜品食返夠本🧛‍♂️ 薑茶湯圓夠晒薑 不過唔係好夠熱 擂沙湯丸就好正 一咬開芝麻流晒出嚟🧞‍♂️ 記得食埋佢個高力貓山王榴槤 真係超級榴槤香🧞‍♂️豆沙鍋餅屋企人都好鍾意食 皮脆得來唔算厚 豆沙蓉好足料 $20一啲都唔伏🧚‍♂️