二鍋頭 (嘉芙中心)

Open Now

Now Closed

呢間任食火鍋好抵食，我地4個人揀咗$268的中價餐，因為比最平的只係貴$40但係多好多火鍋配料揀，仲有我的最愛 - 白鱔片，所以都係$268餐抵食D。另外我地仲加埋$88一位的任食羊腩煲，有咗羊腩煲之後已經無空間再食原先包埋嘅雞煲同豬手。這是Round 1的羊腩煲，份量之多直頭係豪爽。除咗自己加枝竹落去之外，食晒第1 Round羊腩之後再加碼第2 Round羊腩，店長真係超闊佬，D羊腩多到無朋友，最重要係D羊腩真係好好食，我地直頭用埋個羊腩煲打埋邊爐，無叫到佢原先有嘅湯底。佢D火鍋料都新鮮好食，有相為證。除咗D牛肉好味之外，佢個鵝腸同吊筒仔都好食，鵝腸無乜肥膏但係又保留到鵝嘅香味，吊筒仔都幾爽口，而且比想像之中新鮮，有驚喜，佢呢度D火鍋配料質素都唔錯，以火鍋放題場黎講直頭算係高。啤酒有Blue Ice唔洗加錢收晒貨啦。