阿爺八鮮鍋 (Closed)

想食活海鮮火鍋一定要試呢間😃 2.5小時任追加新鮮海鮮，隻隻鮑魚上枱時都係識郁架，海鮮件件都好大隻下。肉類質素都幾正，而且好多選擇。$368 位好容易就食到回本。 打邊爐緊係唔小得醬油調味，餐廳醬汁多多，選擇豐富，輕易調理出惹味醬油。雞煲好香好惹味，醬汁豐富完全滲透入雞肉裏，雞肉好嫩滑唔會好乾。可以無限追加真係超抵！是日阿爺老火湯，飲落味道好下火，而且感覺幾足料。超級香濃惹味嘅炒辣蟹，隻蟹都幾大隻，而且多肉，蔥蒜爆香好正🥰 辣螺都好入味，螺肉好彈牙。海鮮拼盤好豐盛，龍蝦大隻蝦肉彈牙鮮甜。貝類海產都好大隻，味道都好新鮮。鮑魚上枱係咁郁，好新鮮！煮熟後食特別鮮甜又有彈性鮑魚殼都唔會好污糟。仲有安格斯牛肉片，牛味好濃郁。生蠔味道好新鮮，入口即化。響鈴吸收哂湯底口感好正。蝦肉都好彈牙，而且蝦頭有小小膏好鮮甜。餐廳唔算大，但位置都算夠坐。