Video
Read full review
2025-03-05
408 views
今晚食嘅Popcorn安平燒肉，其實同上一篇牛大人有啲關係。話說上次食完Popcorn牛大人，喺門口見到呢間”安平燒肉”，可以$358起任食M5澳洲和牛同埋好多海鮮，於是第日再嚟食過😆。呢度有四個餐選擇，都係任食120分鐘，今次係食最高級嘅M5和牛餐。除咗和牛脂肪分布均勻，佢仲有一份過嘅牛舌芯，任食嘅海鮮，包括生蠔(要燒熟)、鮑魚、帆立貝、虎蝦等等，同埋台灣最流行嘅威士忌烤肉醬系列(例如烤鳳梨內群柳)，其實食晒以上都差唔多夠飽。可惜，scan QR code之後發覺仲有成百樣嘢食😵💫，咁我哋唯有努力啦。大量唔同烹調同品種嘅肉類、好特別嘅台灣小食 (炸蝦卷、櫻花蝦手工麵等)，多到我哋淨係落單都用好多時間。跟住先發現原來出邊仲有好多嘢夾…大量嘅蔬菜、燒菠蘿、鵪鶉蛋等等，加上可以自製獨一無二安平櫻花蝦飯、乳酪雪糕…我哋又再一次未試晒所有嘢就投降。咁唯有拎嘢飲啦，同牛大人集團一樣，有幾種唔甜嘅手工茶，大量汽水，連熱飲冬瓜茶都有。飲埋杯冬瓜茶，我已經攤咗喺度😵💫。當然，對鍾意好多選擇嘅人嚟講，呢度真係天堂。特別想講個醬汁，有好多隻都未見過，包括招牌黃金醬、蒜味鹽醬、薑味可樂醬、五味醬同全新嘅
話說上次食完Popcorn牛大人，喺門口見到呢間”安平燒肉”，可以$358起任食M5澳洲和牛同埋好多海鮮，於是第日再嚟食過😆。
呢度有四個餐選擇，都係任食120分鐘，今次係食最高級嘅M5和牛餐。除咗和牛脂肪分布均勻，佢仲有一份過嘅牛舌芯，任食嘅海鮮，包括生蠔(要燒熟)、鮑魚、帆立貝、虎蝦等等，同埋台灣最流行嘅威士忌烤肉醬系列(例如烤鳳梨內群柳)，其實食晒以上都差唔多夠飽。
可惜，scan QR code之後發覺仲有成百樣嘢食😵💫，咁我哋唯有努力啦。大量唔同烹調同品種嘅肉類、好特別嘅台灣小食 (炸蝦卷、櫻花蝦手工麵等)，多到我哋淨係落單都用好多時間。
跟住先發現原來出邊仲有好多嘢夾…
大量嘅蔬菜、燒菠蘿、鵪鶉蛋等等，加上可以自製獨一無二安平櫻花蝦飯、乳酪雪糕…我哋又再一次未試晒所有嘢就投降。
咁唯有拎嘢飲啦，同牛大人集團一樣，有幾種唔甜嘅手工茶，大量汽水，連熱飲冬瓜茶都有。飲埋杯冬瓜茶，我已經攤咗喺度😵💫。
當然，對鍾意好多選擇嘅人嚟講，呢度真係天堂。特別想講個醬汁，有好多隻都未見過，包括招牌黃金醬、蒜味鹽醬、薑味可樂醬、五味醬同全新嘅香辣烤肉辣椒粉等等。
Post
