潮福蒸氣石鍋 (Closed)

中秋節時食過海鮮蒸氣鍋後成日心掛掛 好想再食 不過又怕散叫海鮮好貴 要就住就住最近聽爸爸講原來旺角有一間叫潮福既蒸氣鍋專門店有得任飲任食 佢同同事食過都覺得可以一戰 即刻拿拿聲打去book枱非常期待一上到去見到勁多海鮮原來除左任飲任食套餐 亦可以散叫雖然套餐唔包括海鮮任食 但其實包含既海鮮份量都唔少 套餐除左包貝殼類拼盤同半隻開邊龍蝦外 另外仲可以揀多四款自選海鮮 仲奉送乳鴿同燉湯 而安格斯牛同其他食材,啤酒汽水等都係任飲任食 計落條數套餐極之抵食乳鴿有水準 肉質嫩滑 入味得黎又唔會過咸貝殼拼盤 意想不到既鮮甜爽嫩 正帶子超大隻開邊龍蝦就啖啖肉 加埋蒜蓉一齊蒸 夠晒惹味鮑魚味道走中式路線 食得出有草蟲花既香味第一次咁樣食蒸肥牛 原來效果同打邊爐差不多 安格斯牛好有牛味除左海鮮同牛 馬拉糕,鮑魚仔荷葉飯,粟米等既味道都不錯 不得不提 經理哥哥既服務態度非常有善 又經常主動幫忙換碟同夾野食總結呢個價錢有得任點任食 仲有啤酒任飲真係超值