二鍋頭 (福苑)

Open Now

Now Closed

雞煲加火鍋好多地方都有，免費升級任食雞煲就較少，今日嚟到呢間位於旺角嘅二鍋頭，一個價錢任食雞煲、豬手煲、牛尾煲、兩種魚配4款口味烤魚，再轉鴛鴦湯底打邊爐，豬牛雞魚煲無限量任飲任食7小時，性價比高。雞煲叫咗少辣，上枱可即食秘製雞煲醬配少辣非常惹味，店員會問要唔要芫茜，咁啱朋友真係唔食芫茜，朋友食得好開心。 鴛鴦湯底蕃茄薯仔加越式香濃牛肉鍋，一邊酸甜，一邊微辣，火鍋材料新鮮任點任食，落單後即時送上，牛板腱好嫩滑，牛柏葉爽脆，海蝦鮮甜，雲吞水餃皮滑餡料靚。自助區有多款丸類及蔬菜任取任食，各種丸類質素都很好，蔬菜新鮮翠綠，仲有炸魚皮同炸響鈴，吸取湯汁精華超好食。仲有多種啤酒汽水飲品任君選擇，最後一定要食埋雪糕先夠滿足。