京香閣 (Closed)

對北京菜嘅印象，就係片皮鴨同埋貴！喺香港食高品質嘅北京菜，價錢不菲但，最近有朋友介紹我上環嘅京香閣，有晚市放題自助餐，任飲任食兩個鐘，成人每位先二百幾蚊，好抵食。 呢度環境唔錯，有空間感，唔會坐得迫。片皮鴨同埋飲品同涼菜都係自己出去拎。主菜甜品就係任嗌。 每位成人仲送一盅蟲草花膠燉湯同龍蝦或虎蝦。我試咗龍蝦，好大隻，肉質爽彈，水準十分高。 餐牌上任點嘅菜式好多，每樣少少已經好飽喇。最好嘅地方係可以樣樣都點一人份量，咁就可以試曬咁多款。甜品都有六七款選擇，酒釀丸子，桂花糕，高力豆沙，豆沙鍋餅都係必點。食完甜品，這頓晚餐非常圓滿。