Video
Read full review
2023-11-21
34 views
呢間餐廳主打獨家進口北歐手工啤酒，銅鑼灣分店裝修充滿遊樂場嘅感覺，入面仲有用樂園做主題嘅壁畫，成個環境即刻令人覺得好chill☺️最近期佢哋推出咗週末美式早餐系列，款款都非常豐富，而且叫任何餐點加$198就可以享受120分鐘暢飲放題，無論係特選手工啤酒、紅白酒、意大利氣酒定係非酒精飲品全部都係任飲！對鍾意飲酒嘅我真係一個好消息，配合埋裝修直頭好似去咗啤酒嘉年華咁！😍▫️Marine All Day唔知大家平時鍾唔鍾意食all day breakfast呢？我自己就不嬲都麻麻哋，覺得款式唔多通常都食唔飽🤣但係呢度嘅all day breakfast份量好多，呢款有2隻煎蛋、蝦、魚柳、煙燻三文魚、烤蕃茄、焗茄汁豆、水果同多士，真係超滿足，最後飽到多士都食唔落🤨▫️Omelette & Steak Combo呢個餐包咗3蛋奄列同板鍵牛扒，奄列揀咗煙三文魚+蕃茄，仲加咗$10轉咗牛角包，牛角包好有驚喜！焗到好脆，包體充滿牛油香又唔會油膩，飽都要食曬佢🤣牛扒叫咗5成熟，熟成度啱啱好，肉嫩牛味濃又多汁😜▫️Happy Day Waffle窩夫加雪糕同朱古力醬一定冇得輸啦！窩夫鬆軟有蛋味，上枱仲暖暖哋，配埋
▫️Marine All Day
唔知大家平時鍾唔鍾意食all day breakfast呢？我自己就不嬲都麻麻哋，覺得款式唔多通常都食唔飽🤣但係呢度嘅all day breakfast份量好多，呢款有2隻煎蛋、蝦、魚柳、煙燻三文魚、烤蕃茄、焗茄汁豆、水果同多士，真係超滿足，最後飽到多士都食唔落🤨
▫️Omelette & Steak Combo
呢個餐包咗3蛋奄列同板鍵牛扒，奄列揀咗煙三文魚+蕃茄，仲加咗$10轉咗牛角包，牛角包好有驚喜！焗到好脆，包體充滿牛油香又唔會油膩，飽都要食曬佢🤣牛扒叫咗5成熟，熟成度啱啱好，肉嫩牛味濃又多汁😜
▫️Happy Day Waffle
窩夫加雪糕同朱古力醬一定冇得輸啦！窩夫鬆軟有蛋味，上枱仲暖暖哋，配埋冰凍嘅雲呢拿雪糕真係一流☺️
▫️Strawberry and Peach
呢款係我最愛，甜甜地酒味唔濃，士多啤梨味比較重，啱曬啲唔鐘意重酒味嘅女士🍓
▫️Sea Salt and Lime
鹹鹹酸酸咁好開胃，尤其是食完咁大個brunch慢慢chill住嘆杯酒就啱曬😝
Overall rating (5粒⭐️為滿分)
味道：⭐️⭐️⭐️⭐️
服務：⭐️⭐️⭐️⭐️
環境：⭐️⭐️⭐️⭐️
性價比：⭐️⭐️⭐️⭐️
Post
