初心

Open Now

Now Closed

俾我搵到間抵食嘅任食打邊爐雞煲，仲有送刺身同海鮮,兩個人食到捧住個肚。星期五、六日係做緊$328一位，2.5小時任食。味道不過不失，但重點勝在款式夠多，而且係任食，時間長可以令你回本。一開始會有三文魚刺身，之後就可以食雞煲，仲有宮廷小食，包括黑松露蝦多士、木耳等等的前菜，所有嘢都可以無限加添。食完雞煲就可以轉打邊爐，湯底都有好多款選擇，清清地我就揀咗個養生蓮花湯底，真係大大棵蓮花可以放入去食。另外佢仲會送一個海鮮盤，有鮑魚、螺、墨魚，沙白等，都算幾豐富。嘢飲方面，除咗基本汽水果汁，呢度竟然啤酒都係似飲，都真係幾抵。