二鍋頭 (嘉芙中心)

Open Now

Now Closed

天氣突然轉冷凍到咁，梗係要打一個邊炉同同埋羊腩煲啦。今日我揀左個羊腩煲，上枱熱辣辣香噴噴，柱候香味撲鼻。原本以為任食既質素可能會低啲，點知出乎意料之外, 羊腩炆得好軟身，一啲都唔羶，羊味夠。枝竹冬菇好入味。第二個step ,打邊爐 叫咗養生滋寶鷓鴣湯黎暖下身先，湯底一上枱，已經聞到暖暖的蟲草花加上鷓鴣嘅香味，試左一口湯底就知係真才實料。 打邊炉一定要叫牛肉啦。呢度係用嚴選安格斯牛肉，今日上枱嘅係牛板腱，肉色鮮明新鮮，少脂肪。主角到齊，即刻落牛肉試下，只需落湯淥十幾秒已經可以入口，肉質嫩滑有咬口，有肉味，一啲都唔“鞋”。