桃里

Open Now

Now Closed

由於要同老細Farewell，搵到呢間位於千禧新世界酒店入邊嘅中菜廳”桃里”, 我哋一行15人，由於八人限聚令嘅關係，我哋就分開咗兩枱7-8人，訂咗貴賓房唔會嘈到人。呢度嘅餸菜以七至八人嘅分量算相當大，首先係前菜五小碟，包括咗咗牛柳粒，豬手，叉燒同埋魷魚。之後有個海皇羹，呢個羹好好味，好濃有啲帶子同魚嘅海鮮，跟住有蝦球，海清斑兩味，砂鍋紅燒肉。仲有奶油津白不過個奶油津白太杰有d漏，然後仲有個章茶鴨好有煙熏嘅味道，不過我嫌佢有啲乾，臨尾仲有個鮮蝦荷葉飯，呢個荷葉飯嗰啲飯非常之入味居然係最好食嘅一道菜，最後仲有楊枝甘露，食完個個都飽到頂住個肚非常滿足的一餐！