桃里

Open Now

Now Closed

今日有事要出尖沙咀東，本來諗住去九龍香格里拉酒店香宮食中午飯，點知full晒！之後再打電話去問天外天又full晒！結果諗一諗，好耐之前同朋友試過桃里，結果打電話去問，有位！即刻去試吓！呢間酒店中餐廳，位於尖沙咀新世界千禧酒店，位置有少少偏遠，但估唔到質素有驚喜！去到睇見餐牌，只有點心單叫和點心buffet選擇，睇見一籠蝦餃都80幾蚊，冇理由唔食buffet，諗住buffet嘅質素會差啲，結果都係每籠即叫即蒸，估唔到質素都好好！蝦餃，皮薄裏面好實淨，真係好唔錯！鮑汁鳳爪又幾好！而且會因應人數，每次份量唔會好多，好適合可以試好多種不同的款式！一次過試咗蝦餃、燒賣、齋粉果、椒鹽雞軟骨、芝士蝦春卷、牛肉球等等！除咗蝦餃同其他款式都出色之外，佢嘅灌湯餃都好好！而且環境亦都好舒服！又唔會多人！始終係酒店環境，計埋個價錢！非常合理！下次會再幫襯！

來過呢間餐廳好幾次，每次服務都非常周到。今次係生日過來慶祝，嗌佐燒雞，牛肉，蘆筍，同埋魚。尤其鍾意牛肉，肉質好好，很Juicy同入味。甜品食佐紅豆沙，起沙，且甜度剛剛好，好正呀👍。同埋 Service真係好好，order嘅時候，經理James有用心聽大家嘅preferences，同交低廚房做。我地食飯嘅時候佢仲有關心啲食物整得好唔好，我地滿唔滿意，到最後仲好耐心咁幫大家影相。非常好嘅體驗，下次仲會繼續同屋企人和朋友來～

之前去過桃里幾次，感覺點心精緻，員工服務一流。今次跟朋友一起初嘗桃里點心任食。可以多試幾種不同食物。蝦餃、帶子蝦餃、燒賣都好足料。灌湯餃非常出色。西洋菜湯飲了兩碗。服務員很細心，見我們每次拿起餐牌就自動過來問我們要否加點心。留意記得入會有七五折

公司嚟呢度食飯，環境係唔錯嘅，見到海景，服務都OK，但係食物都精緻，味道就真係普普通通。鮑魚係幾好味隻燒雞有啲鹹反而個甜品芒果布甸有啲驚喜整體來講，真係只能夠話好勉強地合格…..

🌹週末與老公吃早午餐，揀了尖沙咀區吃中餐，收藏夾內選了《桃里》，是酒店內的餐廳，幾年前去過吃西式，感覺酒店環境很不錯。🌹踏入食店，一貫中式擺設，惟吸引我的是窗外景觀，藍天藍海，檯的距離亦恰好。坐下來食客陸續到來，熟客亦不少，估計是入會後有折扣吧！點餐可以單點，亦可以選商務套餐，點心常吃，所以我們叫來套餐。商務套餐$720兩位（75%off）即時下載app，便可優先享受折扣。老火湯足料湯味濃鮮蝦帶子豆腐羹足料湯羹點心拼盤蝦餃爽彈，燒賣份量足，春卷脆口燒味拼盤义燒肥瘦適中，燒腩仔皮脆魚香牛鬆茄子煲汁液香口豉汁帶子蒸豆腐豆腐蒸久了，口感不滑口櫻花蝦醬海鮮炒飯足料炒飯蓮子紅豆沙甜度剛好作為酒店附屬中菜廳，上菜較快，同一時間來了三道菜，令致食物不能保持熱度進食，要改善！

High quality dim sum and spacious seats are great for chatting with friends!!! The shrimp dumpling and siu mai are great. The BBQ pork green tea bun is special and the taste is nice. The rice roll with egg yolk is creative but not matched for these two ingredients!!!The deep fried wonton is tasty and delicious!!! The fried rice is consistently good here!!!

上年母親節 Staycation，我在上年3月尾訂酒店，尋找可符合到媽咪要求的酒店，有海景、泳池、浴缸、晚餐、早餐自助餐…等！位於尖東的千禧新世界香港酒店，這裡完全符合她的要求！酒店 Staycation package 包括：房間高級下午茶、<桃里> 堂食晚餐及堂食早餐自助餐！原先，收到 Booking confirmation email，酒店方面為我們預設晚餐時間 6:30，由於媽咪想游水 (幸好！入住前提早放寬相關社交距離措施，泳池重開！)，加上 check in 安排房間需時，送得房間高級下午茶後又會食得好飽...！我們要求更改為 7:30！中式餐館 <桃里> 以落地玻璃、古色古香的裝潢，空間感充裕；我們被安排自成一角的二人桌，旁邊放置小桌以便放茶！桌上備有餐具、餐巾及消毒濕紙巾，疫情下相當貼心！「享、饗」住宿禮遇桃里四小碟：各有特色，每款食物的溫度及調味也調節得恰到好處！蜜汁叉燒~既有脂肪的油潤甘香，又有肉質軟嫩多汁！兩件也令我們不夠喉！蒜片牛柳粒~柔軟粉嫩多肉汁，蒜片提升牛柳鮮味！荷塘百花球~炸蝦球飽滿，鮮美彈牙落足料！青瓜海蜇頭~海蜇頭水

尖沙咀千禧新世界 Staycation 桃里中菜lunchFb:下一站豬欄; IG@Pig7station千禧新世界喺尖沙咀近紅磡嗰邊，雖然望唔到會展景，不過都望到海景，勝在CP值取勝😜今次係kkday訂左package, 包 桃里中菜lunch同早餐buffet, 都只係$2000😌由於未拎得房，所以先去桃里lunch，set到包咗好多嘢，其中竹笙金湯海皇羹好足料，帶子蝦仁乾瑤柱😚叉燒都估唔到有驚喜，點心就普通😅不過成set都好豐富，食唔晒😂食飽飽，之後就去拎房，房間都算大(廁所都幾大😗有企缸同浴缸) 景觀望到海景同紅館一帶，有D奇怪係張床褥凹凸不平🤨瞓落去唔係太舒服😅早餐方面都算多款式，煎蛋/麵檔都有

四個傻婆諗住搵個地方飲下茶傾吓計， book咗桃里，因為有會員七五折，而且地方舒服又唔使趕住食。本來一心諗住散叫點心，冇諗住任食，因為大家胃口都唔係大。但係去到發現散叫嘅點心比以前少咗好多，唔計甜品得10款左右。反而任食選擇比較多，而且憑經驗，我地平時酒店飲茶一個人都要二百幾。任食就$760兩位，最終都係選擇返任食。我自己推介三款點心：蟹肉灌湯餃，蝦餃，帶子餃。首先蟹肉灌湯餃係必食，絕對係值回票價，個湯底好清甜，入邊有勁多蟹肉同埋蝦，絕不欺場。跟住蝦餃同埋帶子餃亦都係餡料豐富，新鮮彈牙。桃里的任食套餐久不久轉Menu，今次嘅前菜就唔係太得我歡心，冇我鍾意食嘅叉燒，試咗檸檬汁龍脷柳同埋口水汁青瓜豬耳都好一般。甜品亦都係，只得笑口棗好食。笑口棗上桌時還是暖的，有驚喜，好鬆脆，一點油膩感都沒有，好乾爽，值得一試👍🏻，但係其他甜品就僅僅合格。老火湯今日係章魚湯，勁好飲。老實講，桃里的點心質素大部份都很有水準，而且真材實料，不會因為做任食而降低了質素。但佢整體服務沒有其他五星酒店那種體貼高尚感覺，例如放食物比較粗魯，職員亦都唔會好attentive，好多時食完嘢都唔會好快過嚟收碟，茶壺真係揭開個

買咗千禧新世界香港酒店既Staycation package 佢包咗個桃里中菜餐既晚餐入到去侍應態度好好 我哋想坐望窗既位置 都好快安排到可能因為係平日 人流不算多靜靜地 悠悠閒閒 唔會趕 除咗套餐之外 仲呢外叫左2個餸牛肉鵝肝炒飯鵝肝份量都幾多 又甜 份量都幾多 分到6碗紅蔥頭牛肉粉絲煲原粒紅蔥頭 入味 好食牛肉淋 不過感覺似用梳打粉醃過整體而言多汁 唔乾身～套餐～桃里四小碟 脆皮燒肉 七味百花炸釀吊片 青瓜燻蹄 蔥油海蜇整體外觀不俗 味道不過不失 北菇響螺燉菜膽湯湯底好清澈 味道鮮甜 菇又厚肉櫻海老醬蝦球鳯片西蘭花味道不過不失檸檬汁龍脷柳上台已經有啲凍咗 魚感覺唔新鮮個人麻麻地呢個汁蠔王原隻南非八頭鮑魚扣玉掌鵝掌同鮑魚大概係全餐最好味既item 炆得好入味 又多淋 上湯菜肉雲吞伊府麵味道不過不失香芒布甸味道不算甜 芒果小酸 加d 椰奶 增加風味

一向都喜歡食點心，以前最愛掹衫尾跟老爸上酒樓，不過胃納有限多數都係一籠灌湯餃加鵪鶉蛋燒賣或淮山雞札，人越大，食得越多，如果有放題更加食得開心。其實兩年前已經開始同朋友幫趁桃里的點心放題，早排有朋友轉工成功，知我鍾意飲茶，因利乘便，兩個人撐檯腳。桃里的點心以數量而言未算多，大概30款左右，但我一般都係點到十幾樣，再多都食不下就浪費，而且個人覺得重質比重量緊要。點心放題只在星期一至星期五午間供應，兩位用港幣$760，小童(三至十一歲) 每位港幣$280，連茗茶:每位港幣$34，但即場入會可享75折優惠，再係原價加10%服務費，計落都係$352左右。前菜梅子醬煙鴨胸、泰式鳳爪、青瓜想不到西式煙鴨胸都化成中式風味，酸酸地效果不錯。泰式鳳瓜質感爽滑，辣辣地幾開胃。拍青瓜咬落脆口，味道清新。咖喱豬皮魷魚已經好耐無食這類街頭小食，豬皮爽滑，魷魚彈牙，咖喱不會太辣，而且甜甜地，好有懷舊feel。仲有柱侯醬蘿蔔牛孖筋同菠蘿咕嚕排骨，只係諗住每類點兩三樣就算。點心以蒸炸為主，而且部分會按人頭出，避免了浪費。晶瑩鮮蝦餃皇除了灌湯餃，蝦餃是必食的，單睇餃皮搓揉得通透加上有10摺以上，已知有水準，蝦肉爽彈鮮香，

分享一下早前「Mark Six」小組飯局，就是在週日中午為壽星M 小姐賀壽。問她想吃什麼，在群組內彈出三個字「灌湯餃」。很喜歡她的清脆俐落，還有是意想不到！想想很久沒去位於「千禧新世界香港酒日報」(前日航酒店) 的中菜廳「桃里」吃飯，查看之下灌湯餃做得不錯，就選了來這裏。上次來是和該酒店公關吃西式下午茶, 環境與之前來吃晚飯的印象依然，古色古香的佈置：我們訂了窗邊的位置，當日天氣甚不錯：齊人點好菜後，來杯「鮮榨西瓜汁」，配襯美好陽光和好心情：先吃蒸點心 (全部散點)「晶瑩鮮蝦餃皇」$68這裏點心勝在即點即蒸，熱辣辣出爐。食蝦餃我建議可以配餐廳自家製的XO醬，能令味道更立體化及提鮮：「鮮蝦蒸荀粿」$64晶瑩剔透，清怡討好，一定要趁熱食啊，皮很軟熟：「咖喱蒸土魷」$68，爽彈不老，蒸得沒過火，調味也剛好，我自己就很喜歡：「春風得意腸」$88原本想叫蝦腸，不過已點了太多有蝦的點心，就改了這個：腸粉皮包着鮮炸春卷，淋上黑醬油沾在腸粉上，趁熱食的外柔內剛，可以完全不用點甜醬、麻醬已不錯吃：「鮮竹百合魚肚鴨腳扎」$72這個我沒有碰，因為一向不太喜好鴨腳扎、雞扎之類的東東。此鴨腳扎加添了鮮竹和百合，

由於要同老細Farewell，搵到呢間位於千禧新世界酒店入邊嘅中菜廳”桃里”, 我哋一行15人，由於八人限聚令嘅關係，我哋就分開咗兩枱7-8人，訂咗貴賓房唔會嘈到人。呢度嘅餸菜以七至八人嘅分量算相當大，首先係前菜五小碟，包括咗咗牛柳粒，豬手，叉燒同埋魷魚。之後有個海皇羹，呢個羹好好味，好濃有啲帶子同魚嘅海鮮，跟住有蝦球，海清斑兩味，砂鍋紅燒肉。仲有奶油津白不過個奶油津白太杰有d漏，然後仲有個章茶鴨好有煙熏嘅味道，不過我嫌佢有啲乾，臨尾仲有個鮮蝦荷葉飯，呢個荷葉飯嗰啲飯非常之入味居然係最好食嘅一道菜，最後仲有楊枝甘露，食完個個都飽到頂住個肚非常滿足的一餐！

位於尖沙咀東千禧新世界香港酒店內的中菜廳。位置遠離閙市區，人不多，舒適度高。這次是晚市宴席。餐目如下：桃里五小碟(桂花蜜黑毛豬叉燒、香煎松本茸、椒鹽田雞腿、泡椒豬手、凍話梅番茄）金湯蟹粉海皇燴燕窩酥炸桶蠔伴蘭度百合蝦球帶子蠔皇原隻南非八頭鮑魚海參扣玉掌酸菜野菌海星斑球黑松露菌脆皮燒雞伴蝦片迷你鮮蝦荷葉飯金箔梅酒香芒果凍美點影雙輝鮮果拼盤中國茗茶整理來說：環境不錯。———————————————椒鹽田雞跟話梅蕃茄比想像好。蟹粉金湯燕窩，蟹味不錯，蟹肉亦夠。炸桶蠔鎖起蠔味濃。其他OK，但沒想到可寫的。

點了3個餸:1.蜜汁火方一上枱，我就問經理：「呢碟真係蜜汁火方？」經理答：「係呀，我哋唔係做正宗上海菜啊！」我真係心中粗口都講埋，唔做上海菜買乜嘢蜜汁火方，仲要收我$188.呀。食落口，塊麵包皮未熟㗎。大家睇圖知我仲乜咁唔順氣。2.炸釀蟹蓋同朋友一人一半，佢食咗一啖，話酸嘅，我試咗少少都覺得有啲，我哋又搵阿經理返嚟，問佢係唔係用酸忌廉㗎。佢話唔係，咁呢啲我哋係退咗單嘅。3.龍蝦汁燴飯呢碟勁香勁好食。一上枱啲香氣就湧過嚟。個茶壺漏水嘅，第一杯茶係侍應幫我哋添，都已經流到成枱都係茶，但係佢冇換到茶壺，我哋都冇理，繼續添，結果成枱都係茶。環境嘈到拆天，好困聲。